Ýkraınalyq mıllıoner Vadım Mashýrovqa Qazaqstanda izdeý jarııalanǵan, dep habarlaıdy "Adyrna" ulttyq portaly Kazinform agenttigine silteme jasap.
"Almaty qalasy boıynsha Ekonomıkalyq tergeýler departamentiniń óndirisinde Vadım Vadımovıch Mashýrovqa qatysty Qylmystyq kodekstiń 217-baby 3-bóliminiń 2-tarmaqshasy boıynsha is qaralýda (Qarjylyq pıramıda qurý jáne oǵan jetekshilik etý, qylmystyq toptyń áreketimen, aqsha, basqa múlik nemese quqyqtardy tartýmen, asa iri mólsherde), — dep habarlady vedomstvo.
Bul áreket úshin 5 jyldan 12 jylǵa deıin bas bostandyǵynan aıyrý, múlikti tárkileý, sondaı-aq belgili bir laýazymdardy atqarý nemese belgili bir qyzmet túrimen aınalysý quqyǵynan 7 jylǵa deıin aıyrý jazasy qarastyrylǵan.
QR quqyqtyq statıstıka jáne arnaıy esepter portalynda Vadım Mashýrovtyń 1997 jylǵy týǵany jáne 343 kúnnen beri izdeýde ekeni kórsetilgen. Is 2023 jyldyń 28 jeltoqsanynda Almatyda tirkelgen.
