تانىمال تەلەجۇرگىزۋشى ماقسات تولىقباي الماتىدان نۇر-سۇلتانعا قىزمەت اۋىستىردى. "ەۋرازيا ءبىرىنشى ارناسىنىڭ "باستى جاڭالىقتارىن" ەندى ماقسات جۇرگىزەتىن بولادى.
ماقسات كوپشىلىككە 31 ارناداعى" "ينفورمبيۋرو" ارقىلى تانىلىپ، ەلىمىزدەگى تانىمال تەلەجۇرگىزۋشىلەردىڭ قاتارىنا قوسىلدى. كورەرمەننىڭ كوزايىمىنا اينالعان، تولىمدى ويلارىمەن تانىلعان تولىقبايدى "ەۋرازيا ءبىرىنشى ارناسى" ءوز قاتارىنا تارتىپ، قوعامداعى كوپتىڭ كوكەيىندەگى ساۋالدارعا رينات زايىتوۆ ەكەۋى جاۋاپ ىزدەگەن بولاتىن. ء"بىر سۇراق" قوعامدىق-ساياسي توك-شوۋىن دا ساۋاتتى جۇرگىزگەن ماقساتتى تەلەارنا باسشىلىعى نۇر-سۇلتانعا شاقىرىپتى.
ماقساتتىڭ وزىنە قوڭىراۋ شالعانىمىزدا بۇل اقپاراتتى راستادى. "ازىرگە، ورنالاسىپ، ۇجىممەن تانىسىپ جاتىرمىن. ەكى-ءۇش كۇندە ەفيرگە دە شىعىپ قالامىن دەپ جاۋاپ بەردى.
-جاڭا قىزمەتىڭىز ارقىلى ەلىمىزدەگى ەڭ قىمبات تەلەجۇرگىزۋشىلەردىڭ كوشىن ءسىز باستاپ جاتىر دەپ ەستىپ جاتىرمىز؟
- سولاي دەۋگە دە بولاتىن شىعار دەپ، سىپايىلىق تانىتقان تولىقباي جالاقىسىن قۇپيا قالدىردى.
