Өскемен қаласының әкімі Жақсылық Омар өкілеттік мерзімінің аяқталуына байланысты қызметінен кетті, деп хабарлайды "Адырна" ұлттық порталы.
Бұл қызметке Жақсылық Омар 2018 жылы тағайындалған болатын. Ол өзінің әлеуметтік желідегі парақшасында қызметтен кетуінің себептерін түсіндірді.
«Құрметті өскемендіктер! Өкілеттік мерзімімнің аяқталуына байланысты мен қала әкімі қызметінен кететінімді хабарлаймын. Алты жылдан астам уақыт бойы сіздермен және әріптестеріммен бірге ортақ күш-жігерімізбен қаламызды жақсарту, қолайлы әрі әсем ету үшін жұмыс істедік. Менің ойымша, көптеген жетістіктерге қол жеткіздік. Жақсы қарқын алып, күрделі мәселелер шешілді», – деп Өскемен тұрғындарына Жақсылық Омар үндеу жасады.
