حالىقارالىق ستاندارت ترانزاكتسيالاردىڭ قاۋىپسىزدىگى مەن ناقتىلىعىن ودان ءارى جاقسارتا تۇسەدى.
2024 جىلدىڭ 25 قاراشاسىنان باستاپ قازاقستاندىق تولەم جۇيەسى بانكتەر اراسىنداعى ءوزارا قارجىلىق اقپارات الماسۋ ءۇشىن ISO 20022 حالىقارالىق ستاندارتىن پايدالانۋعا كوشەدى. ForteBank ءوز كليەنتتەرىنىڭ جاڭا ستاندارتقا كوشۋى ءۇشىن بانك جۇيەسىنە بارلىق قاجەتتى وزگەرىستەردى ەنگىزدى. بارلىق قارجىلىق قىزمەتتەر بۇرىنعىداي قولجەتىمدى، ال وپەراتسيالار ىڭعايلى ءارى قاۋىپسىز.
«بۇكىل الەم ISO 20022 ستاندارتىنا كوشىپ جاتىر، بۇل ستاندارتتىڭ بىرقاتار ارتىقشىلىقتارى بار: تولەمدەر جىلدامىراق وڭدەلەدى، ءارى تالداۋ مەن ەسەپ بەرۋ ءۇشىن كەڭىرەك جانە ناقتىراق دەرەكتەر قامتىلادى. ءبىز بانك جۇيەلەرىنىڭ ۆەندورلارىمەن جاڭا تولەم فورماتىن قالىپتاستىرۋعا، سونداي-اق ISO 20022 ستاندارتىنا كوشۋگە بايلانىستى ەنگىزىلەتىن جاڭا تولەم رەكۆيزيتتەرىن ازىرلەۋ مەن تەستىلەۋ بويىنشا جۇمىستار جۇرگىزدىك. سول سياقتى، ءبىزدىڭ كليەنتتەر دە 25 قاراشادان كەيىن تولەمنىڭ جاڭا رەكۆيزيتتەرى بويىنشا دەرەكتەردى ۇسىنۋ ءۇشىن وزدەرىنىڭ ەسەپ جۇيەلەرىن وزگەرتۋى كەرەك»، – دەپ ءتۇسىندىردى ForteBank-ءتىڭ تولەم جۇيەلەرى باعىتىنىڭ جەتەكشىسى ايگەرىم قۇتتىباەۆا.
جاڭارتىلعان ستاندارت بويىنشا تولەم قۇجاتتارىندا جاڭا ورىستەر پايدا بولادى: ەگەر اقشا جىبەرۋشى نەمەسە الۋشى قازاقستاننىڭ رەزيدەنتى بولماسا، وندا ولاردىڭ رەزيدەنتتىگى كورسەتۋى ءتيىس.
سونىمەن قاتار، اۋدارىمعا باسقا تۇلعالار قاتىسسا، ولاردى «ناقتى تولەۋشى» جانە «ناقتى بەنەفيتسيار» دەگەن بولەك ورىستەردە كورسەتۋ قاجەت.
بۇل وزگەرىستەر بارلىق بانك اۋدارىمدارىنا، سونىڭ ىشىندە شەتەلدىك رەزيدەنتتەرگە جالاقى اۋدارىمدارىنا قاتىستى قولدانىلادى. جاڭا ورىستەر ينتەرنەت-بانكينگتە، ءموبيلدى قوسىمشادا جانە جازباشا تولەمگە ەنگىزىلەتىن بولادى.
جاڭا ستاندارتتار بانك كارتالارى ارقىلى جاسالاتىن تولەمدەرگە اسەر ەتپەيدى. سونداي-اق، حالىقتىڭ بانك كارتالارىمەن تولەم جاساۋىنا، QR-كودتار ارقىلى تولەمدەرگە، ءموبيلدى اۋدارىمدارعا، بانكوماتتان قولما-قول اقشا الۋعا جانە باسقا دا كۇندەلىكتى وپەراتسيالارعا وزگەرىس ەنگىزىلمەيدى.
ISO 20022 ستاندارتىنا كوشۋ قارجى وپەراتسيالارىنىڭ قاۋىپسىزدىگىن ودان ءارى كۇشەيتىپ، جوعارى ساپا مەن جىلدامدىق ستاندارتتارىن ساقتاۋعا كومەكتەسەدى.
