قازاقستان ۇوك پرەزيدەنتى گەننادي گولوۆكين ازيا وليمپيادالىق كەڭەسى سپورت كوميتەتىنىڭ مۇشەسى بولىپ تاعايىندالدى، دەپ حابارلايدى "ادىرنا" ۇلتتىق پورتالى.
بۇل مالىمەت قازاقستان ۇلتتىق وليمپيادا كوميتەتىنىڭ رەسمي سايتىندا جاريالاندى.
قازاقستان ۇلتتىق وليمپيادا كوميتەتىنىڭ باسشىلارى مەن قىزمەتكەرلەرى ازيا وليمپيادالىق كەڭەسىنىڭ كوميتەتتەرى قۇرامىنا كىرگەنى انىقتالدى. رەسمي دەرەكتەرگە سۇيەنسەك، سپورت كوميتەتىنە قازاقستان ۇوك پرەزيدەنتى گەننادي گولوۆكين تاعايىندالدى. ال باس حاتشى بولىپ ءالىمجان اقاەۆ حالىقارالىق قاتىناستار كوميتەتىنىڭ مۇشەسى بولدى.
PR جانە ماركەتينگ دەپارتامەنتىنىڭ ديرەكتورى گۇلناز شۋكەنوۆا مەديا جانە باق كوميتەتىنە كىردى. سونىمەن قاتار سپورت دەپارتامەنتىنىڭ باس مەنەدجەرى رومان تەمىرجانوۆ اقپارات جانە ستاتيستيكا كوميتەتىنە قوسىلدى. جاڭا لاۋازىمعا تاعايىندالعاندار 2028 جىلعا دەيىن قىزمەت اتقارادى.
