قازىرگى ۋاقىتتا اقپاراتتىق تەحنولوگيالار، ۇيالى بايلانىس، تەلەديدار ماڭىزى ارتا تۇسۋدە. ينتەرنەت تەك اقپارات كوزى عانا ەمەس، سونىمەن قاتار قارىم-قاتىناس، ويىن-ساۋىق جانە ءبىلىم بەرۋدىڭ امبەباپ ورتاسىنا اينالدى. ينتەرنەت قولدانۋشىلارىنىڭ سانى دا كۇن سايىن ارتىپ كەلەدى. ينتەرنەتتىڭ ۇزدىكسىز وسۋىنە جانە اۋقىمىنىڭ كەڭەيۋىنە بايلانىستى ونداعى زاڭسىز ماتەريالداردىڭ دا سانى كوبەيۋدە. قازىرگىدەي تسيفرلىق الەمدە بالالاردى جەلىدەگى قاۋىپتەردەن قورعاۋ ماڭىزدى ماسەلەگە اينالدى. مەملەكەتتىك ورگاندار وسىنداي قاۋىپتەرگە قارسى تۇرۋ ءۇشىن بارلىق قاجەتتى شارالاردى قابىلداۋدا. دەگەنمەن، ينتەرنەتتەگى زاڭسىز ارەكەتتەر ماسەلەسىن تەك مەملەكەتتىك قۇرىلىمداردىڭ كۇشىمەن شەشۋ مۇمكىن ەمەس. سوندىقتان، باق سالاسىنداعى زاڭنامالىق تالاپتاردىڭ ورىندالۋىن قاداعالايتىن قر مادەنيەت جانە اقپارات مينيسترلىگى اتا-انالار ءۇشىن قولجەتىمدى شەشىمدەر شولۋىن ۇسىنادى.
اتا-انا باقىلاۋى سەرۆيستەرى زاڭسىز كونتەنتكە قول جەتكىزۋدى شەكتەۋگە، ونلاين-ارەكەتتەردى قاداعالاۋعا جانە قۇرىلعىلاردى پايدالانۋ ۋاقىتىن باقىلاۋعا كومەكتەسەدى.
اتا-انا باقىلاۋىنا ارنالعان تانىمال قوسىمشالار:
- Kaspersky Safe Kids: سايتتاردى بۇعاتتاۋ، گەولوكاتسيا، بەلسەندىلىك تۋرالى ەسەپتەر.
- Dr.Web Security Space: انتيۆيرۋس جانە اتا-انا باقىلاۋى، كونتەنتتى ءسۇزۋ.
- Qustodio (يسپانيا): كونتەنتتى ءسۇزۋ، ەكران ۋاقىتىن شەكتەۋ، الەۋمەتتىك جەلىلەردى باقىلاۋ.
- Net Nanny (اقش): كونتەنتتى بۇعاتتاۋ، ەكران ۋاقىتىن شەكتەۋ جانە ورنالاسقان جەردى قاداعالاۋ.
- Norton Family: سايتتاردى ءسۇزۋ، پايدالانۋ ۋاقىتىن شەكتەۋ جانە ىزدەۋ سۇراۋلارىن قاداعالاۋ.
- Kidslox: ەكران ۋاقىتىن شەكتەۋ، قوسىمشالاردى بۇعاتتاۋ جانە ورنالاسقان جەردى قاداعالاۋ.
- Parental Control Kroha (ۋكراينا): قوسىمشالاردى بۇعاتتاۋ، ۆەب-باقىلاۋ، بەلسەندىلىككە مونيتورينگ جاساۋ.
- Google Family Link: Android جۇيەسىندە بەلسەندىلىكتى باقىلاۋعا ارنالعان تەگىن قوسىمشا. اتا-انا مەن بالانىڭ قۇرىلعىلارىنا ورناتۋ قاجەت.
- Kidlogger: بەلسەندىلىكتى قاداعالاۋعا مۇمكىندىك بەرەتىن ءپاسسيۆتى باقىلاۋ.
- كىرىستىرىلگەن مۇمكىندىكتەر: Android ءۇشىن Google Play ارقىلى، iOS ءۇشىن — گەوپوزيتسيانى قاداعالاۋ ءۇشىن «ەكران ۋاقىتى» جانە «ورنالاسقان جەردى انىقتاۋ».
- TikTok Family Pairing: جاسوسپىرىمدەردىڭ TikTok قولدانۋىن باقىلاۋ، ەكران ۋاقىتىن شەكتەۋ جانە كونتەنتتى ءسۇزۋ مۇمكىندىگىمەن.
