رەسەي پرەزيدەنتىنىڭ ءباسپاسوز حاتشىسى دميتري پەسكوۆ ۆلاديمير ءپۋتيننىڭ اقش پرەزيدەنتتىك سايلاۋىندا جەڭىسكە جەتكەن دونالد ترامپتى قۇتتىقتاۋ جوسپارى جوق ەكەنىن مالىمدەدى، دەپ حابارلايدى "ادىرنا" ۇلتتىق پورتالى Kazinform اگەنتتىگىنە سىلتەمە جاساپ.
كرەملدىڭ رەسمي وكىلى بۇل جاعدايدىڭ «رەسەيگە دوستىق پەيىلى جوق ەلگە» قاتىستى ەكەنىن ەسكە سالدى.
"اقش پرەزيدەنتىن سايلاۋ — بۇل اقش-تىڭ ىشكى ماسەلەسى", - دەپ اتاپ ءوتتى پەسكوۆ.
ول سونداي-اق دونالد ترامپتىڭ اقش پرەزيدەنتى قىزمەتىنە رەسمي تۇردە كىرىسۋىن كۇتۋ قاجەتتىگىن ەسكە سالدى.
پەسكوۆتىڭ ايتۋىنشا، اقش پەن رەسەي اراسىنداعى قارىم-قاتىناس تاريحي تۇرعىدا ەڭ تومەنگى دەڭگەيدە تۇر جانە ودان ءارى ناشارلاتۋ مۇمكىن ەمەس دەۋگە بولادى. پەسكوۆ ءپۋتيننىڭ ادىلدىككە، تەڭدىككە جانە ەكى ەلدىڭ ورتاق مۇددەلەرىنە نەگىزدەلگەن سىندارلى ديالوگقا دايىن ەكەنىن بىرنەشە رەت ايتقانىن ەسكە سالدى.
بۇعان دەيىن رەسپۋبليكالىق پارتيانىڭ كانديداتى دونالد ترامپ امەريكا قۇراما شتاتتارىنىڭ پرەزيدەنتى بولىپ سايلانعانىن جازعان ەدىك.
