اقش-تىڭ التى شتاتىندا سايلاۋ ۋچاسكەلەرى جابىلدى. دەپ حابارلايدى "ادىرنا" قلتتىق پورتالى CBS News-كە سىلتەمە جاساپ.
شىعىس ۋاقىتى بويىنشا ساعات 19:00-دە (استانا ۋاقىتى بويىنشا 05:00-دە) دجوردجيا، ينديانا، كەنتۋككي، وڭتۇستىك كارولينا، ۆەرمونت جانە ۆيردجينيا شتاتتارىندا سايلاۋ ۋچاسكەلەرى جابىلدى.
سولتۇستىك كارولينا، وگايو جانە باتىس ۆيردجينيا شتاتتارىندا سايلاۋ ۋچاسكەلەرى شىعىس ۋاقىتى بويىنشا 19:30-دا جابىلادى. گاۆاي مەن الياسكادا سايلاۋ ۋچاسكەلەرى ەڭ كەش جابىلادى دەپ حابارلاندى، وندا داۋىس بەرۋ استانا ۋاقىتى بويىنشا ساعات 10:00-دە اياقتالادى.
Edison Research اقش-تاعى العاشقى ۇلتتىق ەكزيتپول دەرەكتەرىنە سۇيەنسەك، ەل بويىنشا سايلاۋشىلاردىڭ 44 پايىزى ترامپقا وڭ كوزقاراستا ەكەنىن بىلدىرگەن، ال حارريسكە 48 پايىزى قولداۋ كورسەتكەن.
Edison Research ەكزيتپولىنىڭ ناتيجەلەرى بويىنشا شايقاس ايماقتارىندا نەۆادا مەن پەنسيلۆانيادا ترامپ جەڭىسكە جەتىپ وتىر، بۇل شتاتتاردىڭ ارقايسىسىندا ونىڭ 47 پايىزدىق قولداۋى بار.
ۆيسكونسين (47 پايىز), دجوردجيا (49 پايىز), ميچيگان (48 پايىز) جانە سولتۇستىك كارولينادا (43 پايىز) حارريس جەڭىسكە جەتىپ وتىر. اريزونادا ەكى كانديدات تا 46 پايىزدىق قولداۋعا يە بولدى.
اقش-تا پرەزيدەنت سايلاۋى وتۋدە، ونىڭ باستى كانديداتتارى - رەسپۋبليكالىق پارتيادان دونالد ترامپ جانە دەموكراتيالىق پارتيادان كامالا حارريس. بۇل - ەل تاريحىنداعى 60-شى پرەزيدەنت سايلاۋى، وندا 47-ءشى پرەزيدەنت سايلانادى.
الداعى سايلاۋدا امەريكالىقتار جاڭا پرەزيدەنتتى عانا ەمەس، سونداي-اق ۆيتسە-پرەزيدەنتتى، كونگرەسستىڭ 468 مۇشەسىن، 11 شتاتتىڭ گۋبەرناتورلارىن جانە جەرگىلىكتى بيلىك ورگاندارىنا وكىلدەردى دە تاڭدايدى.
