استانا قالاسىندا 28 قازان مەن 3 قاراشا ارالىعىندا وتكەن اباي اتىنداعى مەملەكەتتىك سىيلىقتىڭ لاۋرەاتى، قازاقستاننىڭ ەڭبەك سىڭىرگەن قايراتكەرى، جازۋشى-دراماتۋرگ روزا مۇقانوۆانىڭ دراماتۋرگياسىنا ارنالعان «تەاتر اLL» III حالىقارالىق تەاتر فەستيۆالى اياقتالدى.
كورەرمەندەردى جازۋشى-دراماتۋرگ روزا مۇقانوۆانىڭ شىعارماشىلىعىمەن تانىستىرۋ، حالىقارالىق شىعارماشىلىق بايلانىستاردى نىعايتۋ جانە تەاتر ونەرىنە جاڭا سەرپىن بەرىپ وسكەلەڭ ۇرپاققا كەڭىنەن ناسيحاتتاۋ باعىتىنداعى فەستيۆالدىڭ قورىتىندىسى مەن جۇلدە قورىنا توقتالا كەتەيىك:
1. «ۇزدىك قويىلىم» – «فاريزا» دراماسى (رەجيسسەرى فارحاد مولداعالي) تۇركىستان مۋزىكالىق دراما تەاترى (1 000 000 تەڭگە).
2. «ۇزدىك رەجيسسۋرا» – ارنيس كىدىرمىشەۆ («جەسىر» دراماسى) جامال سەيداكماتوۆا اتىنداعى «تۋنگۋچ» جاستار تەاترى (قىرعىز رەسپۋبليكاسى، بىشكەك قالاسى) (1 000 000 تەڭگە).
3. «ۇزدىك اكتەرلىك انسامبل» – «قىزجىلاعان» دراماسى (رەجيسسەرى - ا.ماكسيم), استانا قالاسى اكىمدىگىنىڭ مۋزىكالىق جاس كورەرمەن تەاترى (500 000 تەڭگە).
4. «ۇزدىك ەر ادام بەينەسى» – «شاتىر استىنداعى مەن» سپەكتاكلىندەگى انتي شرەك ءرولى ءۇشىن حازار گياندجالي، گازاح مەملەكەتتىك دراما تەاترى (ازەربايجان رەسپۋبليكاسى، گازاح قالاسى) (500 000 تەڭگە).
5. «ۇزدىك ايەل بەينەسى» – «بوپاي حانىم» تاريحي دراماسىنداعى بوپاي ءرولى ءۇشىن لەيلو بەكنازار، ق.قۋانىشباەۆ اتىنداعى قازاق ۇلتتىق مۋزىكالىق دراما تەاترى (500 000 تەڭگە).
6. «ۇزدىك ايەل بەينەسى» – «ەشكىم دە كىنالى ەمەس» سپەكتاكلىندەگى اسىل ءرولى ءۇشىن دينا زايتوۆا، C.سەيفۋللين اتىنداعى قاراعاندى وبلىستىق قازاق دراما تەاترى (500 000 تەڭگە).
7. «ساحنالىق جاڭا فورما تابۋداعى ىزدەنىستەرى ءۇشىن» – «ماڭگىلىك بالا بەينە» سپەكتاكلى (رەجيسسەرى - ءا.وسپانباەۆا), ا.توقپانوۆ اتىنداعى جامبىل وبلىستىق قازاق دراما تەاترى(300 000 تەڭگە).
8. «ەكىنشى پلانداعى ۇزدىك ەر ادام بەينەسى» – «ماڭگىلىك بالا بەينە» سپەكتاكلىندەگى دەپۋتات ءرولى ءۇشىن دارحان مۋسليموۆ، استانا قالاسى اكىمدىگىنىڭ قۋىرشاق تەاترى (300 000 تەڭگە).
9. «ەكىنشى پلانداعى ۇزدىك ايەل بەينەسى» – «قارالى سۇلۋ» سپەكتاكلىندەگى قىزمەتشى كەمپىر ءرولى ءۇشىن گۇلجيان شىنتەمىر، ح.بوكەەۆا اتىنداعى باتىس قازاقستان وبلىستىق قازاق دراما تەاترى (300 000 تەڭگە).
10. «ەكىنشى پلانداعى ۇزدىك ايەل بەينەسى» – «ماڭگىلىك بالا بەينە» سپەكتاكلىندەگى قاتيرا ءرولى ءۇشىن ايجان سادىقوۆا، استانا قالاسى اكىمدىگىنىڭ قۋىرشاق تەاترى (300 000 تەڭگە).
قازاقستاننىڭ ەڭبەك سىڭىرگەن قايراتكەرى، قازىلار القاسىنىڭ ءتورايىمى ءاليا بوپەجانوۆا مۇنداي فەستيۆال ونەردىڭ دامۋىنا اسەر ەتەتىنىن اتاپ ءوتتى.
«فەستيۆالدىك قوزعالىستار جالپى ونەردىڭ دامۋىنا، باسەكەلىستىك پەن جاڭا ىزدەنىستەردىڭ دامۋىنا وتە قاتتى اسەر ەتەدى. وسىلايشا تالاي تەاتر ارتىستەرى تانىلىپ، ۇلكەن شىعارمالار دۇنيەگە كەلەدى. روزا زامانداسىما شىعارماشىلىق تابىس تىلەيمىن. ونىڭ شىعارمالارى تەاترلارعا ازىق بولىپ، ءبىزدىڭ رۋحانياتىمىزدىڭ دامۋىنا ولشەۋسىز ۇلەس قوسىپ كەلەدى»،- دەدى ءاليا بوپەجانوۆا.
بيىل ءۇشىنشى مارتە استانا تورىندە ۇيىمداستىرىپ جاتقان بۇل حالىقارالىق فەستيۆالگە ازەربايجان، قىرعىزستان جانە قازاقستاننىڭ ۇزدىك تەاتر ۇجىمدارى قاتىستى.
«تەاترلاردىڭ قاتىسۋىمەن وتكەن فەستيۆالدىڭ باستى ماقساتى – تۇركى دۇنيەسىنىڭ مادەني كەڭىستىگىنە ەسىمى تانىمال جازۋشى-دراماتۋرگ روزا مۇقانوۆانىڭ دراماتۋرگياسىنداعى رۋحاني قۇندىلىقتاردى وسكەلەڭ ۇرپاققا دارىپتەۋ، تەاترلار اراسىنداعى شىعارماشىلىق ارىپتەستىكتى نىعايتۋ بولىپ تابىلدى. استانا قالاسىنىڭ اكىمدىگى مەن مادەنيەت باسقارماسى، مۋزىكالىق جاس كورەرمەن تەاترىنىڭ ۇيىمداستىرۋىمەن مىنە وسىنداي ماقساتتاردى ارقاۋ ەتكەن، ءار كۇن سايىن كورەرمەن نازارىنا ساعات 11.00 مەن كەشكى 19.00-دە ەكى مارتە قويىلىمدار ساحنالانىپ، ءبىر اپتاعا سوزىلعان حالىقارالىق تەاتر فەستيۆالى ءوز مارەسىنە جەتتى. كورەرمەنگە شىنايى تەاتر اتموسفەراسىن سىيلاعان فەستيۆالدىڭ جەمىستى دە، تابىستى ءبىر اپتاسى ەلىمىزدىڭ مادەني كەڭىستىگىندە ەرەكشە وقيعاعا اينالدى»،- دەدى مۋزىكالىق جاس كورەرمەن تەاترىنىڭ ديرەكتورى اسحات ماەميروۆ.
بۇل فەستيۆالدىڭ ءار نوميناتسياسى بويىنشا ماراپاتتاۋ تۋرالى شەشىمدى قازاقستان مەن تمد ەلدەرىنىڭ تەاتر سىنشىلارى جانە دراماتۋرگتەرى قۇرامىنان جاساقتالعان بەس ادامنان تۇراتىن قازىلار القاسى، ساراپشىلار انىقتادى.
جۇلدەگەرلەردى ماراپاتتاۋ ءراسىمى اباي اتىنداعى مەملەكەتتىك سىيلىقتىڭ لاۋرەاتى، قازاقستاننىڭ ەڭبەك سىڭىرگەن قايراتكەرى، جازۋشى-دراماتۋرگ روزا مۇقانوۆانىڭ دراماتۋرگياسىنا ارنالعان «تەاتر اLL» III حالىقارالىق تەاتر فەستيۆالىنىڭ سالتاناتتى جابىلۋىندا ق.قۋانىشباەۆ اتىنداعى قازاق ۇلتتىق مۋزىكالىق دراما تەاترىندا ءوتتى.
