بۇگىن شىڭعىس حاننىڭ تۋعانىنا 862 جىل تولادى. 2012 جىلدان باستاپ بۇل كۇن موڭعوليادا مەملەكەتتىك مەرەكە رەتىندە تويلانادى، دەپ حابارلايدى «ادىرنا» ۇلتتىق پورتالى.
2012 جىلعى 9 قاڭتاردا موڭعوليا پرەزيدەنتىنىڭ №4 جارلىعىمەن شىڭعىس حاننىڭ تۋعان كۇنى موڭعوليا عىلىم اكادەمياسىنىڭ ۇسىنىسى مەن ءتيىستى جۇمىس توبىنىڭ قورىتىندىسى نەگىزىندە رەسمي تۇردە جاريالانىپ، اي كۇنتىزبەسى بويىنشا قىس ايىنىڭ ءبىرىنشى كۇنى دەپ بەلگىلەندى. بۇل كۇن جىل سايىن ەلدە موڭعوليا ماقتانىشىنىڭ كۇنى رەتىندە اتاپ وتىلەدى.
«شىڭعىس حان» وردەنى ەلدىڭ تاۋەلسىزدىگى مەن ەگەمەندىگىن نىعايتۋدا، ۇلتتىق بىرلىكتى ساقتاۋدا، مەملەكەتتىلىك داستۇرلەرىن، تاريحى مەن مادەنيەتىن تەرەڭ زەرتتەپ، ونى كەلەسى ۇرپاققا جەتكىزۋدە جانە الەمدە كەڭىنەن ناسيحاتتاۋدا ەرەكشە ەڭبەگى مەن ايرىقشا ۇلەسى بار ازاماتتارعا بەرىلەدى.
اي كۇنتىزبەسى بويىنشا قىس ايىنىڭ ءبىرىنشى كۇنى جىل سايىن ءارتۇرلى كۇندەرگە سايكەس كەلەدى.
2012 جىل: 14 قاراشادا – شىڭعىس حاننىڭ تۋعانىنا 850 جىل تولدى،
2013 جىل: 4 قاراشا – شىڭعىس حاننىڭ تۋعانىنا 851 جىل تولدى،
2014 جىل: 23 قاراشا – شىڭعىس حاننىڭ تۋعانىنا 852 جىل تولدى،
2015 جىل: 12 قاراشا – شىڭعىس حاننىڭ تۋعانىنا 853 جىل تولدى،
2016 جىل: 31 قازان – شىڭعىس حاننىڭ تۋعانىنا 854 جىل تولدى،
2017 جىل: 19 قاراشا – شىڭعىس حاننىڭ تۋعانىنا 855 جىل تولدى،
2018 جىل: 8 قاراشا – شىڭعىس حاننىڭ تۋعانىنا 856 جىل تولدى،
2019 جىل: 27 قاراشا – شىڭعىس حاننىڭ تۋعانىنا 857 جىل تولدى،
2020 جىل: 16 قاراشا – شىڭعىس حاننىڭ تۋعانىنا 858 جىل تولدى،
2021 جىل: 5 قاراشا – شىڭعىس حاننىڭ تۋعانىنا 859 جىل تولدى،
2022 جىل: 24 قاراشا – شىڭعىس حاننىڭ تۋعانىنا 860 جىل تولدى،
2023 جىل: 14 قاراشا – شىڭعىس حاننىڭ تۋعانىنا 861 جىل تولدى.
مەرەكە كۇنى موڭعوليانىڭ مەملەكەتتىك تۋىن قۇرمەتتەۋ ءراسىمى، ۇلتتىق كۇرەستەن جارىستار جانە باسقا دا سالتاناتتى ءىس-شارالار وتكىزىلەدى.
