الماتى قالاسى اۋەزوۆ اۋدانىندا رەسپۋبليكالىق «ۇزدىك پەداگوگ-2024» بايقاۋىنىڭ اۋداندىق كەزەڭى ءوتتى.
جارىس پەداگوگ كاسىبىنىڭ مارتەبەسىن ارتتىرۋ جانە كاسىبي قىزمەتىندە جوعارى جەتىستىكتەرى بار پەداگوگتەرگە قولداۋ كورسەتۋ ماقساتىندا ۇيىمداستىرىلدى.
ۇستازداردىڭ شىعارماشىلىق جانە كاسىبي الەۋەتىن دامىتۋعا ىنتالاندىرۋعا باعىتتالعان كونكۋرسقا اۋدان مەكتەپتەرىنىڭ مۇعالىمدەرى قاتىسىپ، ءوزارا باق سىنادى. ناتيجەسىندە 4 پەداگوگ جۇلدەلى 1-ورىندى يەمدەنىپ، قالالىق كەزەڭگە جولداما الدى. اۋەزوۆ اۋدانى ءبىلىم ءبولىمىنىڭ باسشىسى ساتتاروۆا گۋلنارا راحيموۆنا جانە اۋداندىق ءبىلىم ءبولىمىنىڭ ادىسكەرى نوگايسارينا گۋلنار جۋنيسبەكوۆنا بايقاۋدىڭ جەڭىمپازدارىن سالتاناتتى تۇردە ماراپاتتادى. جەڭىمپازدارعا سەرتيفيكات، گۇل شوقتارى جانە كاسىپوداق اتىنان ارنايى سىياقى بەرىلدى.
توپ جارعانداردىڭ قاتارىندا «جاڭا عاسىر» №175 گيمنازياسىنىڭ فيزيكا ءپانى مۇعالىمى، پەداگوگ-زەرتتەۋشى اناربەكوۆا ءاليا بار. ۇزاق جىلدار بويى ۇستازدىق جولدا قىزمەت اتقارىپ كەلە جاتقان ارىپتەسىمىز كوپشىلىكتى ءوزىنىڭ كاسىبيلىگىمەن ءتانتتى ەتتى. مەكتەپ ۇجىمى ءاليا ۇسەنقىزىن جەڭىسىمەن قۇتتىقتاي وتىرىپ، بايقاۋدىڭ ەكىنشى كەزەڭىندە ساتتىلىك تىلەيدى.
ايتا كەتەيىك، «ۇزدىك پەداگوگ» رەسپۋبليكالىق كونكۋرسى 2012 جىلدان بەرى وتكىزىلىپ كەلە جاتىر. وسى ۋاقىتقا دەيىن 700-گە جۋىق جۇزدەن جۇيرىك، مىڭنان تۇلپار اتانعان مىقتىلار انىقتالدى. ءداستۇرلى تۇردە جەڭىمپازدارعا «ۇزدىك پەداگوگ» توسبەلگىسى جانە 1000 اەك مولشەرىندە اقشالاي سىياقى بەرىلەدى.
ماۋلەن الساي،
ديرەكتوردىڭ عىلىمي جانە بەيىن ءىسى جونىندەگى ورىنباسارى
