اقش اسكەري كۇشتەرى وسى اپتادا سيريا شولىندە «يسلام مەملەكەتى» (يم) ۇيىمىنىڭ بىرنەشە لاگەرىنە اۋە شابۋىلىن جاساپ، ناتيجەسىندە 35-كە جۋىق سودىردى جويدى. بۇل تۋرالى سارسەنبى كۇنى اقش-تىڭ ورتالىق قولباسشىلىعى (CENTCOM) مالىمدەدى، دەپ حابارلايدى “ادىرنا” ۇلتتىق پورتالى.
CENTCOM مالىمەتىنشە، شابۋىل بارىسىندا بەيبىت تۇرعىندار اراسىندا زارداپ شەككەندەر بولماعان.
بۇل شابۋىلدار اقش پەن ونىڭ وداقتاستارىنىڭ يسلام مەملەكەتىنىڭ وپەراتسيالىق الەۋەتىن السىرەتىپ، ازاماتتارعا، اقش-قا جانە ولاردىڭ ايماقتاعى وداقتاستارى مەن سەرىكتەستەرىنە قارسى بولاشاق شابۋىلداردىڭ الدىن الۋ ماقساتىنداعى ۇزدىكسىز كۇش-جىگەرىنىڭ ءبىر بولىگى بولىپ تابىلادى.
بۇل ايدا اقش اسكەري كۇشتەرى «يسلام مەملەكەتى» ۇيىمىنىڭ لاگەرلەرىنە بىرنەشە رەت سوققى جاساعان بولاتىن. مىسالى، 11 قازاندا CENTCOM بەيبىت تۇرعىندار اراسىندا قۇربان بولعاندار بولماعانىن اتاپ وتكەن ەدى.
