بۇگىن الماتى قالاسىندا زامانانىمىزدىڭ زاڭعار جازۋشىسى، ادەبيەت كلاسسيگى ءابدىجامىل نۇرپەيىسوۆتىڭ 100 جىلدىعىنا ارنالعان شارالار ءوز جالعاسىن تاپتى.
جازۋشى تۇرعان ۇيگە ەسكەرتكىش تاقتانىڭ اشىلۋى، دوستىق ۇيىندە جازۋشىلار وداعىنىڭ باستاماسىمەن «الەم تانىعان ءابدىجامىل» اتتى حالىقارالىق عىلىمي-تاجىريبەلىك كونفەرەنتسيا ۇيىمداستىرىلدى.
كونفەرەنتسياعا فرانتسيا، رەسەي، وزبەكستان، قىرعىزستان، ءازىربايجان، ليتۆا جانە ت.ب. شەتەلدىك جازۋشىلار مەن ەلىمىزدىڭ زيالى قاۋىم وكىلدەرى، مەملەكەت جانە قوعام قايراتكەرلەرى قاتىستى.
جيىندى جازۋشىلار وداعىنىڭ توراعاسى م.قۇلكەنوۆ جۇرگىزدى. العاشقى ءسوز العان مادەنيەت جانە اقپارات ءمينيسترى ا.بالاەۆا مەملەكەت باسشىسى قاسىم-جومارت كەمەلۇلىنىڭ قۇتتىقتاۋ حاتىن وقىپ، جازۋشىنى ۇلىقتاۋعا ارنالعان كونفەرەنتسيا جۇمىسىنا تابىس تىلەدى.
الماتى قالاسى اكىمىنىڭ ورىنباسارى ا.قالدىبەكوۆ، تۇركسوي ۇيىمىنىڭ توراعاسى س.راەۆ، حالىق جازۋشىسى س.ەلۋباي، مەملەكەتتىك سىيلىقتىڭ لاۋرەاتى ن.ورازالين، حالىق ءارتىسى ا.ءاشىموۆ، مەملەكەت جانە قوعام قايراتكەرى ق.كوشەرباەۆ، قىرعىز رەسپۋبليكاسىنىڭ اقىنى م.ازاماتوۆ، جازۋشىنىڭ قىزى ش. نۇرپەيىسوۆا كلاسسيك جازۋشىنىڭ سان ءتۇرلى تۇلعالىق قىرلارىنا توقتالىپ، شىعارماشىلىعى تۋرالى ءسوز ەتتى.
كونفەرەنتسيا جۇمىسىنا سىر ءوڭىرىنىڭ دەلەگاتسياسى ارنايى قاتىستى.
شارادا ءسوز العان قىزىلوردا وبلىسى اكىمىنىڭ ورىنباسارى ش.بايمانوۆ ايماق باسشىسى ن.نالىباەۆتىڭ قۇتتىقتاۋىن وقىپ، كونفەرەنتسيا ۇيىمداستىرۋشىلارى مەن قاتىسۋشىلارىنا ساتتىلىك تىلەدى.
كونفەرەنتسيادان كەيىن ابىز اقساقالدىڭ رۋحىنا ارنالعان سالتاناتتى اس بەرىلدى.
