قازاق تىلىندەگى بالالار كونتەنتىن دامىتۋعا بيۋدجەتتەن قولداۋ كورسەتىلەدى، دەپ حابارلايدى «ادىرنا» ۇلتتىق پورتالى. بۇل تۋرالى ءماجىلىس دەپۋتاتى اسحات ايماعامبەتوۆ ايتتى.
دەپۋتات قازاق تىلىندەگى مۋلتفيلمدەر وتە از، ال YouTube سياقتى قولجەتىمدى پلاتفورمالاردا مۇلدە جوقتىڭ قاسى ەكەنىن اتاپ ءوتتى.
«قازاق تىلىندەگى مۋلتفيلمدەر وتە از، ال YouTube سياقتى قولجەتىمدى پلاتفورمالاردا مۇلدە جوقتىڭ قاسى. بۇگىنگى كۇنى بۇل ۇلكەن ماسەلە، ويتكەنى بالالار تەلەديداردان گورى ينتەرنەت پەن YouTube-تى كوبىرەك تاڭدايدى. بالالار “سيني تراكتور” مەن “ماشا ي مەدۆەد” سياقتى مۋلتفيلمدەرمەن شەكتەلمەي، ساپالى ءارى قىزىقتى قازاقشا مۋلتفيلمدەردى كورۋى ءتيىس.وسى ماقساتتا، كەلەسى جىلدىڭ بيۋدجەت جوباسىن قاراستىرۋ بارىسىندا، قازاق تىلىندەگى مۋلتفيلمدەر جاساۋعا 350 ميلليون تەڭگە ءبولۋدى جانە ولاردىڭ تەك تەلەديدارعا ەمەس، مىندەتتى تۇردە ينتەرنەتكە، سونىڭ ىشىندە YouTube-قا جۇكتەلۋىن قامتاماسىز ەتەتىن نورمانى زاڭعا ەنگىزدىك. بۇل بالالاردىڭ قازاق تىلىندە قىزىقتى كونتەنتكە قول جەتكىزۋ مۇمكىندىگىن كەڭەيتەدى دەپ سەنەمىز» - دەپ جازدى دەپۋتات.
سونىمەن قاتار، قازاقشا بالالار كونتەنتىن جاساۋدا بەلگىلى ءبىر قيىندىقتار بار ەكەنىن دە العا تارتتى.
«ماسەلەن، “بالاپان” تەلەارناسىنىڭ كونتەنت جاساۋشىلارعا تولەيتىن قاراجاتى وتە از بولعاندىقتان، ولار تەك قازاق ءتىلىن قولداۋ ماقساتىندا جۇمىس ىستەپ، كوبىنە ۆولونتەر سياقتى ارەكەت ەتەدى. سوندىقتان، وسى بيۋدجەت ارقىلى بولىنگەن قوسىمشا قاراجات قازاقشا كونتەنتتىڭ ساپاسىن ارتتىرۋعا ىقپال ەتەدى دەپ سەنەمىز» - دەدى اسحات ايماعانبەتوۆ.
بالالار اراسىندا قازاقشا كونتەنتتى تۇتىنۋ بويىنشا زەرتتەۋ جۇرگىزۋ تۋرالى
عىلىم مينيسترلىگىنە ۇسىنىس جاسالدى. الداعى ۋاقىتتا الەمدىك حيت مۋلتفيلمدەردى مەملەكەتتىك تىلگە اۋدارىپ، YouTube-قا جۇكتەۋ ءۇشىن اۆتورلىق قۇقىق يەلەرىمەن بايلانىسۋ جوسپارلانۋدا.
