بۇگىن، 28 قازاندا استانا قالاسىنىڭ قىلمىستىق ىستەر جونىندەگى سوتىندا ماراپاتتاۋ ءراسىمى ءوتتى، دەپ حابارلايدى «ادىرنا» ءتىلشىسى.
ءىس-شارادا قۋاندىق بيشىمباەۆ ءىسى بويىنشا ۇكىم شىعارعان سۋديا ايجان كولباەۆا ماراپاتقا يە بولدى.
«استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ توراعاسى ايجان كولباەۆاعا ۆەدومستۆولىق ناگرادا تابىستالدى. ول سوت جۇيەسىندەگى كوپ جىلعى جەمىستى جانە ءمىنسىز قىزمەتى، سونداي-اق ونىڭ دامۋىنا قوسقان ۇلەسى ءۇشىن قازاقستان رەسپۋبليكاسى جوعارعى سوتىنىڭ II دارەجەلى «ءمىنسىز قىزمەتى ءۇشىن» مەدالىمەن ماراپاتتالدى»،—دەلىنگەن حابارلامادا.
ەسكە سالايىق، رەسپۋبليكا كۇنى قارساڭىندا ەكس-مينيستر قۋاندىق بيشىمباەۆتىڭ ىسىندەگى پروكۋرورلار – ايجان ايماعانوۆا مەن ساياحات نۇربەكوۆكە «ەرەن ەڭبەگى ءۇشىن» مەدالى بەرىلگەن بولاتىن.
