Búgin, 28 qazanda Astana qalasynyń qylmystyq ister jónindegi sotynda marapattaý rásimi ótti, dep habarlaıdy «Adyrna» tilshisi.
Is-sharada Qýandyq Bıshimbaev isi boıynsha úkim shyǵarǵan sýdıa Aıjan Kólbaeva marapatqa ıe boldy.
«Astana qalasynyń qylmystyq ister jónindegi mamandandyrylǵan aýdanaralyq sotynyń tóraǵasy Aıjan Kólbaevaǵa vedomstvolyq nagrada tabystaldy. Ol sot júıesindegi kóp jylǵy jemisti jáne minsiz qyzmeti, sondaı-aq onyń damýyna qosqan úlesi úshin Qazaqstan Respýblıkasy Joǵarǵy Sotynyń II dárejeli «Minsiz qyzmeti úshin» medalimen marapattaldy»,—delingen habarlamada.
Eske salaıyq, Respýblıka kúni qarsańynda eks-mınıstr Qýandyq Bıshimbaevtyń isindegi prokýrorlar – Aıjan Aımaǵanova men Saıahat Nurbekovke «Eren eńbegi úshin» medali berilgen bolatyn.
