بۇگىن، 14 قازاندا پريوزەرسك گارنيزونىنداعى اسكەري بولىمدەردىڭ بىرىندە مەرزىمدى قىزمەتتەگى اسكەري قىزمەتكەردىڭ ءوزىن-ءوزى اتاپ ولتىرگەنى ايتىلدى. بۇل تۋرالى قۇرلىق اسكەرلەرىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«اسكەري قىزمەتكەر قاراۋىل قىزمەتىندە مىندەتتەرىن ورىنداعان ۋاقىتتا بەكىتىلگەن قارۋىنان باسىنا وق اتقان. اتالعان وقيعا اسكەري قىزمەت وتكەرۋمەن بايلانىستى ەمەس. الدىن الا مالىمەتتەر بويىنشا، مارقۇم وتباسىلىق-تۇرمىستىق جانجال نەگىزىندە وزىنە قول جۇمساعان. قىلمىستىق ءىس قوزعالدى، ءمان-جايلار انىقتالىپ جاتىر»،—دەلىنگەن حابارلامادا.
ەسكە سالايىق، بۇگىن شاحتينسكىدە تاعى ءبىر اسكەري قىزمەتكەردىڭ سۋيتسيد جاساعان حابارلانعانىن جازعان ەدىك.
