ۇلتتىق ەكونوميكا ۆيتسە-ءمينيسترى تەڭگە دەۆالۆاتسياسى تۋرالى ايتتى، دەپ حابارلايدى "ادىرنا" ۇلتتىق پورتالى.
ارمان قاسەنوۆ تەڭگە دەۆالۆاتسياسىنىڭ تاۋەكەلدەرىنە ەشقانداي سەبەپ جوق ەكەنىن حابارلادى.
"سوڭعى ءۇش جىلدا باق-تا ءارتۇرلى ساراپشىلار ۆاليۋتا باعامىنىڭ تىم جوعارى بولاتىنىن ايتىپ كەلەدى، بىراق بارلىق جاعدايدا ولاي بولعان ەمەس. شىندىعىندا، دەۆالۆاتسيا ۇزاق ۋاقىت بويى بولعان جوق، ويتكەنى دەۆالۆاتسيانىڭ ارقاشان ناقتى ىرگەلى سەبەپتەرى بولۋى كەرەك. قازىر، ارينە، ولار جوق", - دەدى قاسەنوۆ سەناتتا وتكەن بريفينگتە.
بريفينگ بارىسىندا ءسوز سويلەگەن ۆيتسە-مينيستر قازاقستاندىق ەكسپورتتى مىسال رەتىندە كەلتىردى.
"وزدەرىڭىز كورىپ وتىرسىزدار، ەكسپورت بىلتىرعىمەن سالىستىرعاندا الدەقايدا جوعارى. يمپورت تومەندەدى. بۇگىندە بىزدە ساۋدا بالانسى بار. سوندىقتان قازىر بىزدە دەۆالۆاتسياعا نەگىز جوق", - دەدى ۆيتسە-مينيستر.
سونداي-اق، ۆيتسە-مينيستر قازاقستاننىڭ ۇلتتىق ۆاليۋتاسى تەڭگە تۇراقتى ەكەنىن ايتتى.
