وبلىستىق اكىمدىكتە وتكەن جيىندا جاڭادان تاعايىندالعان باسشىلاردى ايماق باسشىسى بولات باقاۋوۆ تانىستىردى. اقپاراتتىق جانە قوعامدىق دامۋ باسقارماسى ىشكى ساياسات، ءدىن جانە جاستار ساياساتى باسقارمالارىن بىرىكتىرۋ ارقىلى قۇرىلدى. سول سياقتى مادەنيەت جانە تىلدەردى دامىتۋ باسقارمالارىن بىرىكتىرۋ تۋرالى شەشىم قابىلدانعان. اقپاراتتىق جانە قوعامدىق دامۋ باسقارماسىن بۇعان دەيىن پاۆلودار وبلىسى اكىمى اپپاراتى باسشىسىنىڭ ورىنباسارى قىزمەتىن اتقارعان باۋىرجان قاپەنوۆ باسقاراتىن بولدى. ايتا كەتەيىك، باۋىرجان قاپەنوۆ بۇعان دەيىن 2011 جىلدان باستاپ 2015 جىلعا دەيىن وبلىستىق ىشكى ساياسات باسقارماسىنىڭ باسشىسى قىزمەىتن اتقارعان. ول 1963 جىلى تۋعان، ەكى جوعارى ءبىلىمى بار. 1985 جىلى پاۆلودار پەداگوگيكالىق ينستيتۋتىن «ورتا مەكتەپتىڭ ماتەماتيكا جانە فيزيكا مۇعالىمى» ماماندىعى بويىنشا، 1997 جىلى پاۆلودار مەملەكەتتىك ۋنيۆەرسيتەتىنىڭ ەكونوميكا جانە ينجەنەرينگ ينستيتۋتىن ەكونوميكا جانە مەنەدجمەنت ماماندىعى بويىنشا بىتىرگەن.
مادەنيەت، تىلدەردى دامىتۋ جانە مۇراعات ءىسى باسقارماسىنىڭ باسشىسى ەرنۇر داۋەنوۆ بولدى. بۇعان دەيىن ول ەكى جىل ىشكى ساياسات باسقارماسىن باسقارعان. ەرنۇر داۋەنوۆ 1988 جىلى تۋعان. 2009 جىلى س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىن «ارحەولوگيا جانە ەتنولوگيا باكالاۆرى»، 2012 جىلى قازتۇتىنۋوداعى قاراعاندى ەكونوميكالىق ۋنيۆەرسيتەتىن «ەكونوميكا جانە بيزنەس» ماماندىعى بويىنشا، 2015 جىلى پاۆلودار مەملەكەتتىك پەداگوگيكالىق ينستيتۋتىن «بيولوگيا» ماماندىعى بويىنشا تامامداعان. گۋمانيتارلىق عىلىم ماگيسترى دارەجەسى بار.
ال، اسلان ۋرمانوۆ مەريتوكراتيا قاعيداتى بويىنشا وسى قىزمەتكە پاۆلودار وبلىسى بويىنشا مەملەكەتتىك ساتىپ الۋ باسقارماسى جۇمىسىنىڭ مەملەكەتتىك ساتىپ الۋ ءبولىمىنىڭ باسشىسى لاۋازىمىنان اۋىسىپ، مەملەكەتتىك ساتىپ الۋ باسقارماسىنىڭ باسشىسى بولىپ تاعايىندالدى. ول 1981 جىلى تۋعان. 2002 جىلى الماتى ەكونوميكا جانە ستاتيستيكا ينستيتۋتىن «بۋحگالتەرلىك ەسەپ جانە اۋديت» ماماندىعى بويىنشا، ال 2007 جىلى قازاق قۇقىق جانە حالىقارالىق قاتىناستار ينستيتۋتىن «قۇقىقتانۋ» ماماندىعى بويىنشا بىتىرگەن.
