ءبىلىم جانە عىلىم ءمينيسترى اسحات ايماعامبەتوۆ «سەرپىن» باعدارلاماسىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.
«جالپى، «سەرپىن» باعدارلاماسى بويىنشا ىنتاسى بار ستۋدەنتتەر جاقسى وقىپ جاتىر. جالپى، كورسەتكىش جامان ەمەس. البەتتە، كەيبىر جەردە «سەرپىن» باعدارلاماسىمەن ءبىلىم العاننان كەيىن ءوز اۋىلىنا بارىپ، جۇمىس ىستەيمىن دەيتىن مىسالدار بارشىلىق. بىراق، ءبارىن بىركەلكى قىلىپ، اۋىلعا كەتىپ جاتىر دەپ ايتا المايمىز»، - دەدى دەدى ءبىلىم جانە عىلىم ءمينيسترى ۇكىمەت وتىرىسىنان كەيىن تىلشىلەردىڭ الدىندا.
ءمينيستردىڭ ايتۋىنشا، «سەرپىن» باعدارلاماسى بويىنشا ناقتى مەحانيزم بار.
«مەحانيزم بويىنشا بالالار وقۋعا تۇسكەن كەزدە ءتيىستى كەلىسىمشارتا قول قويادى. سول كەلىسىمشارتتا بارعان وڭىردە جۇمىس ىستەۋ بويىنشا جاۋاپكەرشىلىك جازىلعان. سول كەلىسىمشارتتىڭ نەگىزىندە جۇمىس جۇرگىزۋ كەرەك. ءتيىستى تالاپتى ورىنداماي جاتقان جاستارعا قاتىستى ءتيىستى شارا قولدانۋ كەرەك. زاڭنامادا ءبارى جازىلعان عوي»، - دەدى اسحات ايماعامبەتوۆ.
