Mınıstr: "Serpin" boıynsha oqyp, aýylyna qaıtyp ketetinderge shara qoldaný kerek

1385

Bilim jáne ǵylym mınıstri Ashat Aımaǵambetov «Serpin» baǵdarlamasyna qatysty pikir bildirdi, dep habarlaıdy QazAqparat tilshisi.

«Jalpy, «Serpin» baǵdarlamasy boıynsha yntasy bar stýdentter jaqsy oqyp jatyr. Jalpy, kórsetkish jaman emes. Álbette, keıbir jerde «Serpin» baǵdarlamasymen bilim alǵannan keıin óz aýylyna baryp, jumys isteımin deıtin mysaldar barshylyq. Biraq, bárin birkelki qylyp, aýylǵa ketip jatyr dep aıta almaımyz», - dedi dedi Bilim jáne ǵylym mınıstri Úkimet otyrysynan keıin tilshilerdiń aldynda.

Mınıstrdiń aıtýynsha, «Serpin» baǵdarlamasy boıynsha naqty mehanızm bar.

«Mehanızm boıynsha balalar oqýǵa túsken kezde tıisti kelisimsharta qol qoıady. Sol kelisimshartta barǵan óńirde jumys isteý boıynsha jaýapkershilik jazylǵan. Sol kelisimsharttyń negizinde jumys júrgizý kerek. Tıisti talapty oryndamaı jatqan jastarǵa qatysty tıisti shara qoldaný kerek. Zańnamada bári jazylǵan ǵoı», - dedi Ashat Aımaǵambetov.

Pikirler