سەرىك ەلىكباي. جاۋاپكەرشىلىك سيندرومى

2810
Adyrna.kz Telegram

دۋناي جاعاسىندا ءبىر عاجاپ ەسكەرتكىش بار. جاعا شەتىندەگى اياق كيىمدەر...
مەتاللدان جاساعان بۇل تۋفليلەر جاڭا عانا شەشىلگەن سەكىلدى!
وسى جەردە سەگىز ءجۇز ەۆرەيدى ۆەنگەرلىك شتۋرماۆيكتەر اتىپ ولتىرگەن.
ونىڭ ىشىندە بالالار،  ايەلدەر بار ەدى!
ءبىرىنشى اياق كيىمدەرىن شەشكىزگەن...
تەرىس قاراپ تۇرعان بەيباقتاردى كەشەگى وتانداستارى،  كورشىلەرى اتتى.
بۇل كۇنگە دەيىنگى دۋنايداعى "كوپ ۇلتتىمىز" دەگەن ميف كوككە ۇشتى.
ەۆروپالىق وركەنيەت،  گۋمانيزم قازا تاپتى وسى گەتتودا.
جەندەتتەر باسقا ءبىر جاقتان كەلگەن سەكىلدى!
كىمدەر ەكەنىن كەيىنگى تاريح ايتپايدى.

تۋرا بىزدەگى سەكىلدى.
ءاليحان، جۇسىپبەك،  مىرجاقىپ تەكتەس قۇرباندار اتى بار.
ال كىم ساتتى،  كىم اتتى؟
قۇپيا!
كەشەگى جۇمىس،  مال تولى،  ەڭبەك قايناعان اۋىلدار ءبىر-اق كۇندە "پارازيتكە" اينالىپ شىعا كەلدى.
ارينە بۇرىنعى پرەزيدەنتتى كۇستانالاساق تا سول جەردە... ءوزىمىز دە جۇردىك قوي!
الاشتىڭ ۇلىلارىن ولتىرگەن ءبىر جەندەت كەشىرىم سۇراعان جوق!
قازاقتىڭ اۋىلىن قۇرتىپ، قازاقتى قالاعا قاڭعىتقان جۇيەدە...  ەشكىم ءبىز كىنالى بولدىق دەگەن جوق!
كەرىسىنشە مەملەكەتتى قۇلاتۋ اۆتورى ۇرسۋعا،  سوگۋگە كىرىسىپتى ۇلتتى!
ءبىزدىڭ قوعامدا جاۋاپكەرشىلىك سيندرومى جوق.
...ونسىز ۇزاۋ مۇمكىن ەمەس!

پىكىرلەر