مەملەكەت باسشىسى قاسىم-جومارت توقاەۆ قوجا احمەت ءياساۋيدىڭ جانە كەسەنە اۋماعىندا جەرلەنگەن باسقا دا تاريحي تۇلعالاردىڭ رۋحىنا تاعزىم ەتىپ، قۇران باعىشتادى. بۇل تۋرالى اقوردا جاريالادى، دەپ حابارلايدى “ادىرنا” ۇلتتىق پورتالى.
پرەزيدەنتتىڭ بۇگىنگى تۇركىستان وبلىسىنا جۇمىس ساپارى قوجا احمەت ياساۋي كەسەنەسىنە زيارات ەتۋدەن باستالدى.
مەملەكەت باسشىسى اقىن، عۇلاما، بۇكىل تۇركى دۇنيەسىنە ورتاق رۋحاني ۇستاز قوجا احمەت ءياساۋيدىڭ جانە كەسەنە اۋماعىندا جەرلەنگەن باسقا دا تاريحي تۇلعالاردىڭ رۋحىنا تاعزىم ەتىپ، قۇران باعىشتادى.
قاسىم-جومارت توقاەۆقا يۋنەسكو-نىڭ دۇنيەجۇزىلىك مۇرالار تىزىمىنە ەنگەن كەسەنەدە جۇرگىزىلىپ جاتقان كەشەندى عىلىمي-زەرتتەۋ جۇمىستارى جونىندە باياندالدى.
