اقمولا وبلىسى ىشكى ساياسات باسقارماسىنىڭ جانە اقمولا وبلىستىق دەنسۋلىق ساقتاۋ باسقارماسىنىڭ باستاماسىمەن، وڭىرلىك جاستار-رەسۋرستىق ورتالىعى جانە اقمولا وبلىستىق قان ورتالىعىمەن بىرلەسە، «مەن - دونورمىن» قايىرىمدىلىق اكتسياسىن وتكىزدى.
ءىس-شارانى وتكىزۋدىڭ باستى ماقساتى – ادامدارعا قان قورىن قۇرۋ قاجەتتىلىگى تۋرالى حابارلاۋ جانە بارلىق بەي-جاي قارامايتىن ادامداردى ەرىكتى نەگىزىندە دونور بولۋعا شاقىرۋ بولىپ تابىلادى.
قان – ادامداردىڭ دەنساۋلىعىنىڭ وتە ماڭىزدى ەلەمەنتى بولىپ تابىلادى. دونورلىق قان ءار ساعات سايىن، مينۋت سايىن قاجەت. قانىڭىزدى ءبولىسۋ دەگەنىمىز بىرەۋگە ءومىر سۇرۋگە مۇمكىندىك بەرۋ. دونورلار 450 مل كولەمىندە قان تاپسىرادى، دەنى ساۋ ادامنىڭ دەنەسى ءۇشىن بۇل كولەمدە قان تاپسىرۋ فيزيولوگيالىق قاۋىپ توندىرمەيدى، سونىمەن قاتار قان كەتۋ قاۋپى جوق. زەرتتەۋ ناتيجەلەرى مەن ساراپشىلاردىڭ تاجىريبەسى دونورلىقتىڭ ادام دەنساۋلىعىنا وتە پايدالى ەكەنىن كورسەتەدى.
قايىرىمدىلىققا ارنالعان اكتسياعا مەملەكەتتىك قىزمتەكەرلەر، ۆولونتەرلەر جانە بارلىق نيەت بىلدىرۋشىلەر قاتىستى.
«قايىرىمدىلىققا ارنالعان اكتسياعا ىشكى ساياسات باسقارماسى، ءبىلىم باسقارماسى، وزگە دە مەملەكەتتىك قىزمەتكەرلەر جانە اتالمىش باسقارمالارعا باعىنىستى مەكەمەلەر قىزمتەركەرلەرى، «اۋىل جاستارى» جاستار قاناتى توراعاسى، وبلىستىق جرو قىزمەتكەرلەرى، سونداي-اق، بارلىق نيەت بىلدىرۋشىلەر قاتىستى. جالپى اكتسياعا 100-دەن اسا قاتىسۋعا نيەت بىلدىرگەن وكىلدەرىنىڭ ىشىنەن تەك 20-سى عانا دونور بولا الدى. ايتا كەتۋ كەرەك، اتالمىش اكتسيا جىل سايىن جالعاسىن تابادى» - دەيدى اقمولا وبلىستىق جاستار رەسۋرستىق ورتالىعىنان.
اكتسياعا قاتىسۋشىلار الدىن الا قان تاپسىرۋ ەرەجەسىمەن تانىسۋعا جانە اكتسيا باستالعانعا دەيىن نۇسقاۋلىقتان وتۋگە مىندەتتى. ۇيىمداستىرۋشىلار قاتىسۋشىلار ءۇشىن بارلىق جاعدايلاردى جاساپ، اكتسيانىڭ وتكىزۋ كەزىندە ولاردىڭ قاۋىپسىزدىگى مەن دەنساۋلىعىنا جاۋاپ بەرەدى.
