قازاقستان اۋماعىندا سەگىز ايدىڭ ىشىندە رەسەيلىك گازدىڭ ءترانزيتى ءۇش ەسەگە جۋىق ارتقانى انىقتالدى، دەپ حابارلايدى "ادىرنا" ءتىلشىسى.
بۇل تۋرالى ەنەرگەتيكا مينيسترلىگى حابارلادى.
«2024 جىلدىڭ قاڭتار-تامىز ايلارىندا قازاقستان رەسپۋبليكاسى اۋماعى ارقىلى رەسەيلىك گازدىڭ ءترانزيتى 3,473 ملرد تەكشە مەتردى قۇرادى»، - دەلىنگەن سارسەنبى كۇنى ەنەرگەتيكا مينيسترلىگىنىڭ حابارلاماسىندا.
اقپاراتقا سايكەس، 2023 جىلدىڭ قورىتىندىسى بويىنشا ترانزيت 1,28 ملرد تەكشە مەتردى قۇرادى. 2024 جىلدىڭ سەگىز ايىندا ترانزيت بۇكىل 2023 جىلعى ترانزيتتەن 2,7 ەسە اسىپ تۇسكەن.
