2024 جىلدىڭ 23 قىركۇيەك كۇنى «اقمولا وبلىستىق تاريحي-ولكەتانۋ مۋزەيىندە» ءبىرجان سال قوجاعۇلۇلىنىڭ تۋعانىنا 190 جىل تولۋىنا وراي «جەتىسۋدىڭ ساراسى - بار قازاقتىڭ داراسى» اتتى جەتىسۋ وبلىسى، قاپال اۋدانىندا ورنالاسقان اقىن سارا مەموريالدى مۋزەيى جادىگەرلەرىنەن قۇرىلعان جىلجىمالى كورمە اشىلدى.
كورمە ەكسپوزيتسياسىندا اقمولا وبلىسىنىڭ تۇرعىندارى مەن قوناقتارىنا سارا تاستانبەكقىزىنىڭ ءومىرى مەن شىعارماشىلىعىنا بايلانىستى جادىگەرلەر، اقىننىڭ ءومىرى مەن شىعارماشىلىعىنا ارنالعان قۇجاتتار، ادەبيەت دەرەكتەر مەن مۇراعات ماتەريالدارى، سارا تاستانبەكقىزىنىڭ جەكە تۇتىنعان زاتتارى: دومبىرا، ءىس تىگىن ماشينكا، قايشى سياقتى قۇندى جادىگەرلەر، سارا تاستانبەكقىزىنىڭ ءبىرجان سالمەن ايتىسى مەن اقىننىڭ ولەڭدەرى، وسكەن ورتاسىنا بايلانىستى ماتەريالدار ۇسىنىلدى.
ءىس-شارا شىمىلدىعىن قۇتتىقتاۋ سوزبەن اقمولا وبلىسى مادەنيەت باسقارماسىنىڭ باسشىسى ايگۇل ءسابيتوۆا اشسا، «اقمولا -تىرشىلىك» جشس ديرەكتورى جابال ەرعاليەۆ: «قازاق ادەبيەتىنە زور ۇلەس قوسقان كوركەم ءسوزدىڭ شەشەنى سارا تاستانبەكقىزىنىڭ ءومىرى مەن شىعارماشىلىعىن، كەيىنگى ۇرپاققا ميراس ەتىپ قالدىرعان مول مۇرالارىن، عيبراتتى ءومىر جولدارىن بارىنشا ناسيحاتتاپ كەلە جاتقانى مۋزەي قىزمەتكەرلەرىنە العىس ءبىلدىرىپ، ءبىرجان سال قوجاعۇلۇلىنىڭ 190 جىلدىعىنا وراي اقىن سارانىڭ مول مۇراسى كورىكتى كوكشەنىڭ تورىندە ناسيحاتتالۋى مادەني-رۋحاني تۇرعىدا ۇلكەن جەتىستىك»،- دەپ اتاپ ءوتتى.
ءىس-شارا اياسىندا ۇكىلى ىبىراي اتىنداعى اقمولا وبلىستىق فيلارمونياسىنىڭ ءداستۇرلى ءانشىسى سارسەنباي حاسەنوۆ ءبىرجاننىڭ «ايتپاي» ءانىن ورىنداسا، «مادەنيەت سالاسىنىڭ ۇزدىگى» ءتوس بەلگىسىنىڭ يەگەرى، «وقجەتپەس» دۋەتىنىڭ ءانشىسى قاليەۆ قازىبەك «بۇرىلتاي» ءانىن ورىنداپ كورمەنىڭ ءسانىن كەلدىردى.
سونىمەن قاتار، ءىس-شاراعا زيالى قاۋىم وكىلدەرى، «ورلەۋ»بىلىكتىلىكتى ارتتىرۋ ورتالىعىنىڭ ۇستازدارى، ءبىرجان سال اتىنداعى مۋزىكالىق كوللەدج ستۋدەنتەرى قاتىستى، كوكشەتاۋ قالاسىنىڭ جالپى ءبىلىم بەرەتىن №9 ورتا مەكتەبىنىڭ وقۋشىلارى جانە باق قاتىستى.
