شاحماتتان ايەلدەر قۇراماسى دۇنيەجۇزىلىك شاحمات وليمپياداسىندا كۇمىس مەدال جەڭىپ الدى، دەپ حابارلايدى “ادىرنا” ۇلتتىق پورتالى.
2024 جىلعى دۇنيەجۇزىلىك شاحمات وليمپياداسىندا ەل قۇراماسى كۇمىس مەدال جەڭىپ العان. پرەزيدەنت قازاقستاننىڭ ايەلدەر قۇراماسىن جەلىدەگى پاراقشاسىندا قۇتتىقتادى.
”بۇل – قازاق شاحمات مەكتەبى مەن شاحماتشى قىزدارىمىزدىڭ تاماشا جەتىستىگى. سپورتشىلارىمىز بيىك بەلەستەردى باعىندىرا بەرسىن!” - دەپ جازدى مەملەكەت باسشىسى ءوزىنىڭ ح الەۋمەتتىك پاراقشاسىندا.
45-ءشى شاحمات وليمپياداسىنىڭ شەشۋشى تۋرىندا قازاقستاننىڭ ايەلدەر قۇراماسى اقش كومانداسىمەن باق سىناستى. بۋداپەشتتە وتكەن جارىستا قازاقستاندىقتار 18 ۇپاي جيناپ، العاش رەت وليمپيادا جۇلدەگەرى اتانىپ وتىر.
ۇلتتىق قۇراما نامىسىن ءبيبىسارا اساۋباەۆا، مەرۋەرت كاماليدەنوۆا، كسەنيا بالاباەۆا، الۋا نۇرمان، امينا قايىربەكوۆا قورعادى.
جارىسقا بارلىعى 188 ەلدىڭ كومانداسى قاتىسقان بولاتىن.
