ساندىقتاۋ اۋدانى كامەنكا اۋىلىنىڭ جالپى ءبىلىم بەرەتىن مەكتەبىندە كۇردەلى جوندەۋ جانە اۋماقتى اباتتاندىرۋ جۇرگىزىلدى.
مەكتەپ عيماراتى 1975 جىلى سالىنعان. جىل سايىن ىشىندە تەك كوسمەتيكالىق جوندەۋ جۇمىستارىن جۇرگىزدى. 2023 جىلى اۋىل مەكتەبىندە ەكى جىلدىق كۇردەلى جوندەۋ جۇمىستارى باستالدى.
ديرەكتور يۋليا رادەتسكايانىڭ ايتۋىنشا، 2023-2024 جىلدارى مەكتەپتە وبلىستىق بيۋدجەت قاراجاتى ەسەبىنەن 330 ميلليون تەڭگەدەن استام سوماعا كۇردەلى جوندەۋ جۇرگىزىلگەن.
قاسبەتتى سىرتقى ارلەۋ، كىرەبەرىس توبىنىڭ كۇنقاعارلارىن ورناتۋ، جەلدەتۋ جۇيەسىن مونتاجداۋ، قابىرعالار مەن توبەلەردى ارلەۋ جۇمىستارى، ەدەندەردى بولشەكتەۋ جانە ورناتۋ، كىرەبەرىس توبىنىڭ سۋ قۇبىرى مەن كارىز جۇيەسىن مونتاجداۋ، ەلەكتر مونتاجداۋ جۇمىستارى، ءورت دابىلى جانە بەينەباقىلاۋ جۇيەسىن مونتاجداۋ، اۋماقتى اباتتاندىرۋ، كوگالداندىرۋ جۇمىستارى جۇرگىزىلدى. قۇرىلىس ماتەريالى مەرزىمىندە جەتكىزىلىپ بارلىق جۇمىستار ۋاقىتىندا ورىندالدى. بالالار 1 قىركۇيەكتەن باستاپ وقىتىلدى.
«سونىمەن قاتار، اعىمداعى جىلى ءبىزدىڭ مەكتەپتە 2 ملن. تەڭگەدەن استام سوماعا اسحانا جابدىقتارى - مارميتتەر، بولشەكتەۋ، تاراتۋ، اسحانا ۇستەلدەرى جاڭارتىلدى. جاڭا مەكتەپ جيھازى، وقۋ جابدىقتارىنىڭ جيىنتىعى (سەنسورلىق پانەل) جانە STEM كابينەتى الىندى»،- دەپ تولىقتىردى ديرەكتور.
مەكتەپتى جاڭارتۋ - بۇل تەك بالالاردىڭ قۋانىشى عانا ەمەس، كامەنكا اۋىلىنىڭ بارلىق تۇرعىندارى اتقارىلعان جۇمىستار ناتيجەلەرىنە ريزا. وقۋ ورنى ايتارلىقتاي وزگەرىپ، زاماناۋي تالاپتارعا ساي، ماتەريالدىق-تەحنيكالىق بازا جاڭارتىلىپ، ءبىلىم الۋ ءۇشىن بارىنشا قولايلى جاعدايلار جاسالدى.
قازىر مەكتەپتە 134 وقۋشى وقيدى. مەكتەپ جانىڭدا تولىق كۇندىك ەكى توبى بار شاعىن ورتالىق جۇمىس ىستەيدى.
سونداي-اق، بالالارعا ارنالعان جاڭالىقتاردىڭ ءبىرى كامەنكا اۋىلىنىڭ جالپى ءبىلىم بەرەتىن مەكتەبىندە بالالار مەن جاسوسپىرىمدەر شىعارماشىلىعى ورتالىعىنىڭ فيليالىنىڭ اشىلۋى بولدى.
«شىعارماشىلىق ورتالىعىندا 1 قىركۇيەكتەن باستاپ روبوتوتەحنيكا ۇيىرمەسى جۇمىس ىستەيدى. مەنىڭ ويىمشا، بۇل قازىرگى زامانعى تەحنولوگيالار الەمىنە ەنۋگە، روبوتتاردى قۇرىپ باعدارلامالاۋدى ۇيرەنۋگە، سونداي-اق ينجەنەريا مەن عىلىمي زەرتتەۋلەردە داعدىلاردى دامىتۋعا بارلىق ادامدار ءۇشىن تاماشا مۇمكىندىك بولادى. ديزاينەرلەردىڭ جاڭا جيىنتىعىمەن بالالار ءوز يدەيالارىن ويلاپ تاۋىپ، تەحنيكانىڭ ناعىز كەرەمەتتەرىن جاساي الادى»،- دەپ ءبولىستى ينفورماتيكا ءپانىنىڭ مۇعالىمى ۆيكتور تيۋكوۆ.
ايتا كەتەيىك، وبلىستا 42 مەكتەپكە كۇردەلى جوندەۋ جۇرگىزۋگە 7,9 ملرد تەڭگە بولىنگەن، ونىڭ ىشىندە 20 وبەكتىگە ارنالعان «اۋىل – ەل بەسىگى» باعدارلاماسى بويىنشا 2,9 ملرد تەڭگە.
