استانادا تەز تاماقتانۋ ورنىندا جارىلىس بولىپ، ءورت شىقتى، دەپ حابارلايدى "ادىرنا" ءتىلشىسى.
تجم ءباسپاسوز قىزمەتىنىڭ مالىمەتىنشە، وقيعانىڭ ۆيدەوسى الەۋمەتتىك جەلىلەردە تاراعان.
"ەلوردانىڭ الماتى اۋدانىنداعى قۇدايبەردىۇلى داڭعىلىندا ورنالاسقان دونەر تسەحىندا گاز-اۋا قوسپاسى جارىلىس تۋدىرىپ، سودان كەيىن ءورت شىقتى", - دەلىنگەن توتەنشە جاعدايلار مينيسترلىگىنىڭ حابارلاماسىندا.
دونەر ساتاتىن دۇكەندە بولعان جارىلىس سالدارىنان ءورت جاقىن ماڭداعى كوكونىس ساتاتىن دۇڭگىرشەككە ءوتىپ، كولىكتى زاقىمداعان.
