تاۋەلسىزدىگىمىزدىڭ التىن بەسىگى، مادەنيەتىمىز بەن ونەرىمىزدىڭ مايەگى، قارجى مەن كاسىپكەرلىكتىڭ قۋاتتى ورتاسى بولىپ وتىرعان شاھارىمىز الماتىنىڭ «قالا كۇنى» مەرەكەسى زور مانگە يە. وسى مەرەكەگە وراي الىپ الاتاۋدىڭ الابىنداعى ايشىقتى «الاتاۋ» ءداستۇرلى ونەر تەاترى ونەرپازدارىنىڭ عاسىرلاردان تارتىپ بۇگىنگى كۇنگە جەتكەن ۇلتتىق ونەرىمىزدىڭ اسىل جاۋھارلارىن پاش ەتەتىن سىرلى اۋەندى، اسەم سازدى قويىلىم-كونتسەرتتەرىن 9-16 قىركۇيەك كۇندەرى ارالىعىندا قالامىزدىڭ تۇرعىندارى مەن قوناقتارىنا تارتۋ ەتتى.
«قالا كۇنىن» اتاپ وتۋگە ارنالعان مەرەكەلىك شارالاردىڭ شەرۋى 9-شى قىركۇيەكتە «بابالار ىزىمەن» سەرياسى بويىنشا ۇلتتىق اسپاپتارعا ارنالعان شەبەرلىك ساعاتتارى «الاتاۋ» ەتنوفولكلورلىق ءانسامبلىنىڭ ءارتيسى داستان قازكەنوۆتىڭ «قازاق حالىق اسپاپتارىنىڭ ەرەكشەلىكتەرى» اتتى شەبەرلىك دارىسىمەن باستالدى.
دارىستە ورتا مەكتەپ وقۋشىلارىنا تەاترىمىزدىڭ ونەرپازدارى مەن ەتنو-فولكلورلىق انسامبل مۇشەلەرى مادەني مۇرا سانالاتىن ۇلتتىق اسپاپتارىمىزدىڭ شىعۋ تاريحى مەن ەرەكشەلىكتەرى جايىندا حابار بەرەدى.
10-شى قىركۇيەكتە تەاتردىڭ «كورۋ جانە ەستۋ مۇمكىندىگى شەكتەۋلى جانداردىڭ مادەني دەمالىسىن ۇيىمداستىرۋ» ءبولىمىنىڭ «ارمانداستار» ءانسامبلى «الماتى جۇرەگىمدە» اتتى مەرەكەلىك قايىرىمدىلىق كونتسەرتىن «اققايىڭ» جانە «كوكتەم» ساۋىقتىرۋ كەشەندەرىندە وتكىزگەن بولاتىن.
11-16 قىركۇەك كۇندەرى «الاتاۋ» ءداستۇرلى ونەر تەاترىنىڭ ارتيستەرى «الماتى ايالداماسى» اتتى مەرەكەلىك ءموبيلدى كونتسەرتىك باعدارلاماسىمەن ارنايى اۆتوبۋستا قالامىزدىڭ تاريحي ماڭىزى بار ورىندارى مەن نەگىزگى كوشەلەرىن ارالاپ شىقتى.
قالامىزداعى تاريحي ماڭىزى بار ورىندار مەن نەگىزگى كوشەلەرىن قامتىپ، ەتنو-مادەني كونتسەرتپەن قالا تۇرعىندارىنا مەرەكەلىك كوڭىل-كۇي سىيلايدى.
دۋماندى «اۆتوبۋس» ارالاعان مەكەن-جايلار: 11-قىركۇيەك: تۇڭعىش پرەزيدەنت ساياباعى; «الماتى-2» تەمىرجول ۆوكزالى; اباي اتىنداعى قازاق ۇلتتىق وپەرا جانە بالەت تەاترى; «اتاكەنت» الاڭى; «الاتاۋ» ءداستۇرلى ونەر تەاترى الاڭى.
12-قىركۇيەك: «الماتى-1» تەمىرجول ۆوكزالى; گۇلدەر ساياباعى; س. سەيفۋللين ساياباعى; «اق-بۇلاق» ىقشام اۋدانى.
14-قىركۇيەك: كوك-توبە; «اباي» الاڭى; «استانا» الاڭى; 28 پانفيلوۆشىلار ساياباعى.
15,16-قىركۇيەك: ورتالىق ستاديون; تسيرك; «ساتس» اتىنداعى بالالار جانە جاسوسپىرىمدەر تەاترى; «اق-بۇلاق» ىقشام اۋدانى; «الاتاۋ» ءداستۇرلى ونەر تەاترى الاڭىندا ونەر كورسەتتى.
11 قىركۇيەكتە «الاتاۋ» ءداستۇرلى ونەر تەاترىنىڭ الدىندا «اسىل قازىنا» اتتى ءداستۇرلى ءان-كۇيلەر نەگىزىندەگى مۋزىكالىق كونتسەرتى وتكەن بولاتىن. ساحنادا رامازان ستامعازيەۆ، ساۋلە جانپەيىسوۆا، ەركىن شۇكىمان، امانگەلدى كۇزەۋباي جانە باسقا دا ءداستۇرلى اندەردى ورىنداۋشى حالىققا تانىمال، بەلگىلى ءانشى-كۇيشىلەر ونەر كورسەتتى.
«الاتاۋ» ءداستۇرلى ونەر تەاترىنىڭ الاڭىندا الماتىلىقتاردى قالا كۇنىمەن العاشقىلاردىڭ ءبىرى بولىپ اتى اڭىزعا اينالعان «دوس-مۇقاسان» ءانسامبلى قۇتتىقتادى. الماتى تۇرعىندارى مەن قوناقتارىنا ارنالعان «الماتى ءتۇنى» اتتى قويىلىم-كونتسەرتتە «الاتاۋ» ءداستۇرلى ونەر تەاترىنىڭ ارتىستەرى مەرەكەلىك كوڭىل-كۇي سىيلادى.
الماتى قالا كۇنىنە وراي ۇيىمداستىرىلعان «ساعىندىم الماتىمدى» اتتى «مۋزارت» توبى مەن «الاتاۋ» ءداستۇرلى ونەر تەاترى ارتىستەرىنىڭ قاتىسۋىمەن وتكەن مەرەكەلىك كونتسەرت تەاتر الاڭىندا كورەرمەندەردى قۋانىشقا بولەدى.
12 قىركۇيەك كۇنى «الاتاۋ» ءداستۇرلى ونەر تەاترى ارتيستەرى مەن ەلىمىزدىڭ ەڭ تانىمال ەتنو-روك توبى «ۇلىتاۋ» توبىنىڭ قاتىسۋىمەن «ۇلى دالا ءۇنى» مەرەكەلىك كونتسەرتى ءوتتى. «الاتاۋ» تەاترىنىڭ تانىمال ارتيستەرى الما امانجولوۆا، بيبىگۇل قيلىمحان، شاتتىق ۋاتقان، دياس مۇراتقان جانە ت.ب. ارتيستەرىنىڭ قاتىسۋىمەن «ءان الەمى» اتتى مەرەكەلىك حور-كونتسەرتىمەن جالعاستى.
13 قىركۇيەكتە ءداستۇرلى ءان-جىرلارىمىزدى زاماناۋي ناقىشتا ورىنداپ، كورەرمەننىڭ وڭ باعاسىن الىپ جۇرگەن «Qazaqsha تەراپيا» تەاترلاندىرىلعان جوباسىنىڭ “عاسىرلار ءۇنى” اتتى كونتسەرتى كورەرمەندەر ىقىلاسىنا بولەندى.
«الماتى كەشى» اتتى اشىق اسپان استىنداعى تەاترلاندىرىلعان كونتسەرتىندە الاتاۋ اۋدانىنىڭ اكىمى تالعات مالىباەۆ تۇرعىنداردى قالا كۇنى مەرەكەسىمەن قۇتتىقتادى! قۇتتىقتاۋ سوزدەن سوڭ، اشىق اسپان استىنداعى مەرەكەلىك تەاترلاندىرىلعان كونتسەرت ءوتىپ، حالىققا كەرەمەت كوڭىل-كۇي سىيلادى. اتالمىش مەرەكەلىك شارادا «الاتاۋ» ءداستۇرلى ونەر تەاترىنىڭ ارتيستەرى حالقىمىزدىڭ ءان-كۇيىن زاماناۋي ۇلگىدە كورەرمەنگە تارتۋ ەتتى.
14-15 قىركۇەك كۇندەرى تەاتر الاڭىندا «انىمە قوسقان الماتى» مەرەكەلىك كونتسەرتىندە ەسترادا جۇلدىزدارى اقبوتا كەرىمبەكوۆا، سالتانات باقاەۆا، «ءۇش قوڭىر» توبىنىڭ جانە «الاتاۋ» ءداستۇرلى ونەر تەاترىنىڭ ارتيستەرى ونەر كورسەتسە، «ءان تەربەگەن الماتىم» اتتى مەرەكەلىك كونتسەرتتە جۇبانىش جەكسەنۇلى، ەربول سپانيليەۆ، لاشىن مۇراتقىزى جانە «الاتاۋ» ءداستۇرلى ونەر تەاترىنىڭ ارتيستەرى زور قوشەمەتكە يە بولدى.
16 قىركۇيەكتە تەاترىمىزدا قالا كۇنىنە وراي، جىل سايىن وتەتىن «ۇلاعات ءسوزىم ۇرپاققا» اتتى رەسپۋبليكالىق جىرشى-تەرمەشىلەر فەستيۆالى وتۋدە. فەستيۆالدە قازاقستاننىڭ ءار وڭىرىنەن كەلگەن جىرشى-تەرمەشىلەر ءوز ونەرلەرىن ورتاعا سالادى.
فەستيۆال ەلىمىزدىڭ ءار ءوڭىرىنىڭ جىر يىرىمدەرىمەن، تالانتتى تەرمەشىلەردىڭ ونەرىمەن تانىسۋعا تاماشا مۇمكىندىك بەرەدى.
ەلىمىزدەگى ۇلتتىق ونەردىڭ وشاعىنا اينالعان بىرەگەي «الاتاۋ» ءداستۇرلى ونەر تەاترىنىڭ ونەرپازدارى قالا تۇرعىندارى مەن قوناقتارىنىڭ رۋحىن كوتەرىپ، ايتۋلى مەرەكەدە ءداستۇرلى ونەرىمىزدى ۇلىقتاپ، دارىپتەۋدە.
اسقاق الاتاۋدىڭ باۋرايىندا ورنالاسقان ارۋ قالا – الماتى، ونىڭ جاسىل جەلەككە جامىلعان كوركى بارلىق وتانداستارىمىزدىڭ ىستىق ىنتازارلىعىن وياتىپ، ماقتانىشىنا اينالدى. قالامىزدىڭ ءاربىر تۇرعىنى قازىرگى جاسامپاز قوعامنىڭ «جاڭا قازاقستان» اتالاتىن تاريح تولقىنىنداعى جاڭا بەتتەرىنە جازىلار جارقىن بولاشاعىن بىرگە جاسايتىن بولادى.
«الاتاۋ» ءداستۇرلى ونەر تەاترى
ادەبيەت ءبولىمىنىڭ مامانى ارداق بەركىمباي
