قازاقستاننىڭ تۇكپىر-تۇكپىرىنەن كەلگەن 200-دەن استام بەلسەندى ايەل «AMANAT» پارتياسى ايەلدەر قاناتى «Tomiris» ايەلدەر ساياسي كوشباسشىلىعى جوباسى اياسىندا ۇيىمداستىرىلعان وقۋ كۋرستارىنا قاتىستى. بۇگىن ءماجىلىس سپيكەرى، «AMANAT» پارتياسىنىڭ توراعاسى ەرلان قوشانوۆ ولارمەن كەزدەسۋ وتكىزدى. ءىس-شارا بارىسىندا قازاقستاندا اتوم ەلەكتر ستانتسياسىن سالۋ بويىنشا 6 قازاندا وتەتىن رەفەرەندۋم مەن پرەزيدەنت جولداۋىنىڭ جۇزەگە اسىرىلۋ بارىسى تالقىلاندى.
ءىس-شارانى اشقان ەرلان قوشانوۆ مەملەكەت باسشىسى قاسىم-جومارت توقاەۆ ايەلدەر قوعام ومىرىنە جانە ەلدىڭ جان-جاقتى دامۋىنا زور ۇلەسى قوساتىنىن ءاردايىم ايتىپ كەلە جاتقانىن اتاپ ءوتتى. سونداي-اق ءماجىلىس توراعاسى گەندەرلىك تەڭدىكتى قامتاماسىز ەتۋ، ايەلدەردىڭ قۇقىعىن قورعاۋ جانە وتباسى قۇندىلىقتارىن نىعايتۋ پرەزيدەنت پەن «AMANAT» پارتياسىنىڭ باستى نازارىندا ەكەنىن ايتتى.
ول ايەلدەر قاناتى ءبىر جارىم جىلدا«AMANAT» پارتياسىنىڭ قوزعاۋشى كۇشتەرىنىڭ بىرىنە اينالعانىن اتاپ ءوتتى. ماسەلەن، ايەلدەر قاناتىنىڭ العاشقى فورۋمىندا وتباسىلىق-تۇرمىستىق زورلىق-زومبىلىق ماسەلەسى تالقىلاندى، پارلامەنت ءتيىستى زاڭ قابىلداپ، ول جاقىندا كۇشىنە ەندى. سونىمەن قاتار حالىقتىڭ قارىز جۇكتەمەسىن ازايتۋ، قۇمار ويىندارعا قارسى كۇرەس تۋرالى جاڭا زاڭدار كۇشىنە ەنىپ، بۇل ماسەلەلەر دە ايەلدەر قاناتى مۇشەلەرىنىڭ باستاماسىمەن كوتەرىلدى.
كەزدەسۋگە قاتىسۋشىلار ەلىمىزدەگى ەڭ ماڭىزدى وقيعالاردىڭ ءبىرى – مەملەكەت باسشىسىنىڭ جولداۋىن دا تالقىلادى. «AMANAT» پارتياسىنىڭ توراعاسى ءار جولداۋ – بۇل حالىقتىڭ قاجەتتىلىگءى مەن سۇرانىسىنا نەگىزدەلگەن ناقتى ءىس-قيمىل جيىنتىعى ەكەنىن ءمالىمدەدى. سونىڭ ءبىرى – سوڭعى جىلدارى حالىق پەن بيزنەس قاتتى سەزىنىپ وتىرعان ەنەرگيا تاپشىلىعى ماسەلەسى. وسىعان بايلانىستى, اەس قۇرىلىسى ەلىمىزدىڭ ەنەرگەتيكالىق قاۋىپسىزدىگى ماسەلەسىن شەشىپ، ونىڭ الداعى ەكونوميكالىق دامۋىن قامتاماسىز ەتۋگە ءتيىس.
ەرلان قوشانوۆ بۇگىندە اەس يدەياسىناقازاقستاندىقتاردىڭ باسىم بولىگى قولداۋ ءبىلدىرگەنى ماڭىزدى ەكەنىن اتاپ ءوتتى. سوندىقتان پارتيالار مەن جەتەكشى قوعامدىق ۇيىمدار اەس سالۋدى قولداۋ جونىندەگى حالىقتىق شتابقا بىرىكتى. وسى كۇنى حالىقتىق شتاب مۇشەلەرى وڭىرلەردى ارالاپ، تۇرعىندارمەن كەزدەسۋدە. قازىردىڭ وزىندە حالىق تاراپىنان بەيبىت اتوم يدەياسىنا ۇلكەن قولداۋ بايقالادى. ءماجىلىس سپيكەرى ازاماتتار اەس-كە بالاما جوق ەكەنىن ءتۇسىنىپ، بۇل تاعدىرشەشتى ماسەلەدە ولاردىڭ داۋىسى شەشۋشى ءرول اتقاراتىنىنا سەنىم ءبىلدىردى.
«بۇگىن ءبىز ەلدىڭ ودان ءارى دامۋىنا اسەر ەتەتىن بارلىق ماڭىزدى شەشىمدەر حالىقپەن بىرگە قابىلدانىپ جاتقانىن كورىپ وتىرمىز. جاڭا ساياسي مادەنيەتتىڭ ءمانى وسىندا. ءبىز بارلىعىمىز بىرگە جاڭارتىلعان كونستيتۋتسيا ءۇشىن داۋىس بەردىك. قازىر حالىق قابىلداعان شەشىمنىڭ دۇرىس بولعانىن كورىپ وتىرمىز. بۇل جولى دا بىرلەسىپ، ەلىمىزدىڭ پروگرەسسيۆتى دامۋىنا تاعى ءبىر باتىل قادام جاساۋىمىز كەرەك. 6 قازاندا ءبىز باتىل شەشىم قابىلداپ، اەس قۇرىلىسىنا داۋىس بەرۋىمىز كەرەك»، – دەدى ول.
ءوز كەزەگىندە يادرولىق فيزيكا ينستيتۋتىنىڭ عىلىمي حاتشىسى كارلىعاش مۇناسباەۆا جانە يادرولىق فيزيكا ينستيتۋتىنىڭ يادرولىق جانە فيزيكالىق قاۋىپسىزدىك وقۋ ورتالىعىنىڭ باستىعى ناتاليا يزمايلوۆا قاۋىپسىزدىك جانە ەكولوگيالىق تالاپتارعا سايكەس كەلەتىن سوڭعى جەتىستىكتەر مەن ازىرلەمەلەردى پايدالانا وتىرىپ، اەس سالۋدىڭپەرسپەكتيۆاسى تۋرالى ايتتى. ال جەتىسۋ وبلىسى سارقان اۋىلىنان كەلگەن كاسىپكەر كەنجەتاي تازابەكوۆا اەس قۇرىلىسى بويىنشا رەفەرەندۋم وتكىزۋ – «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋدىڭ ايقىن كورىنىسى ەكەنىن اتاپ ءوتتى.
پارتيا توراعاسى قازىر كاسىبي مامانداردىڭ دالەلدى سوزدەرى كۇمانشىل ادامدار مەن سىنشىلاردىڭ پىكىرىنەن باسىم ءتۇسىپ, اتوم ەنەرگياسىنا قاتىستى حالىقتىڭ قورقىنىشى مەن ۇرەيىن سەيىلتءۋى وتە ماڭىزدى ەكەنىن اتاپ ءوتتى.
كەزدەسۋ سوڭىندا پارتيانىڭ ايەلدەر قاناتىنىڭ مۇشەلەرى اەس قۇرىلىسىنا قولداۋ ءبىلدىرىپ، بارشا قازاقستاندىقتاردى رەفەرەندۋمعا بەلسەندى تۇردە قاتىسۋعا شاقىردى.
