مىڭداعان كورەرمەندەر مەن قاتىسۋشىلار، دۇنيەجۇزىلىك كوشپەندىلەر ويىندارىنىڭ جانكۇيەرلەرى اقمولا وبلىسىنىڭ شىعارماشىلىق ۇجىمدارىنىڭ كەرەمەت كونتسەرتتىك باعدارلاماسىنىڭ كۋاسى بولدى.
اقمولا وبلىسىنىڭ 700-دەن استام قاتىسۋشىسى «دۋماندى دالا» سالتاناتتى كونتسەرتتىك باعدارلاماسىنا قاتىستى.
ۇزدىك حورەوگرافيالىق انسامبلدەردىڭ قاتىسۋىمەن «ارايلى اقمولا» مۋزىكالىق-حورەوگرافيالىق كومپوزيتسياسى: 50 جىلدىق تاريحى بار «كوكشەتاۋ» حالىقتىق بي ءانسامبلى، جەتەكشىسى-«مادەنيەت قايراتكەرى» مادينا تلەۋلينا، 25 جىلدىق تاريحى بار «ون التىن قىز» حالىقتىق بي ءانسامبلى، جەتەكشىسى-مادينا دوسماعامبەتوۆا، «تۇمار» حالىقتىق زاماناۋي بي ءانسامبلى، جەتەكشىسى-توميريس جانسپاەۆا، قوسشى قالاسى مەن تسەلينوگراد اۋدانىنىڭ 500 جاس دومبىراشىلارىنىڭ بىرلەسكەن ءانسامبلى.
مەرەكەلىك باعدارلاماعا كورنەكتى مادەنيەت قايراتكەرلەرى: ك.كۇمىسبەكوۆ اتىنداعى قازاق حالىق اسپاپتار وركەسترى، كوركەمدىك جەتەكشى جانە باس ديريجەرى جانات راشيت، «مادەنيەت سالاسىنىڭ ۇزدىگى» رۋسلان قويشىباەۆ، «گاككۋ» بي ءانسامبلى، جەتەكشىسى «مادەنيەت سالاسىنىڭ ۇزدىگى» گۇلميرا ورداباەۆا جانە جيىنتىق حورى، قازاقستان رەسپۋبليكاسىنىڭ ەڭبەك سىڭىرگەن ارتىستەرى سالتانات احمەتوۆا، جاميليا جارقىمباەۆا، «مادەنيەت سالاسىنىڭ ۇزدىگى» ۆالەريا بوليەۆا، ەلميرا تولەۋباەۆا، تالعات گالەەۆ، حالىقارالىق جانە رەسپۋبليكالىق بايقاۋلاردىڭ لاۋرەاتتارى باۋىرجان نۇرمۇحان، زامزاگۇل سماعۇل، ديانا التاي، سەرىكبولسىن بەكمولدين، اياكوز قالماعانبەتوۆا، رينات نۇرمۇحان، بەكۇلان ەربولاتۇلى، باۋىرجان بالتين، سايات باباەۆ، اينابەك ورازالى، «ۇلانعاسىر» كۆارتەتى، مادەني باعدارلامانىڭ رەجيسسەرلىق توبى «مادەنيەت سالاسىنىڭ ۇزدىكتەرى» ءاليا قۇرمانوۆا جانە نۇرگۇل شايكەنوۆا. مادەني باعدارلامانىڭ جۇرگىزۋشىلەرى «مادەنيەت سالاسىنىڭ ۇزدىگى» قالدىرباەۆ توحتاربەك پەن قىلىشباەۆا التىناي قازاق تىلىندە جانە ءامينا قايراتوۆا اعىلشىن تىلىندە جۇرگىزدى.
ونەرپازداردىڭ ونەرىنە ءتانتى بولعان زالداعى كورەرمەندەر ورىندارىنان تۇرىپ قوشەمەت كورسەتتى.
«S’klass production» قويۋشى-ستسەناريستى جانە V دۇنيەجۇزىلىك كوشپەندىلەر ويىندارى اياسىنداعى مادەني باعدارلامالاردىڭ رەجيسسەرى ساجيدا سايتوۆا اقمولا وبلىسىنىڭ شىعارماشىلىق ۇجىمدارىنىڭ كونتسەرتتىك باعدارلاماسىنان العان اسەرىمەن ءبولىسىپ جىلى لەبىزىن ءبىلدىردى.
«5-ءشى دۇنيەجۇزىلىك كوشپەندىلەر ويىندارىندا اقمولا وبلىسىنىڭ شىعارماشىلىق ۇجىمدارىنىڭ ورىنداۋىنداعى ءان-شاشۋى، ۇلتتىق – سالت ءداستۇرىمىزدى ناسيحاتتايتىن تەاترلاندىرىلعان قويلىمدارى جانە ۇلتتىق بۇيىمداردىڭ كورمەسىنە ءتانتى بولدىم. وسىنداي اۋقىمدى شارادا مىڭعا جۋىق ۇجىمنىڭ باسىن قوسىپ، جوعارى دەڭگەيدە ونەر كورسەتۋ كاسىبي شەبەرلىكتى تالاپ ەتەدى»، - دەدى ساجيدا سايتوۆا
