گرانت قايدا؟

248

بيىل مەملەكەتتىك گرانتقا يە بولعاندار سانى جىلداعىدان كوپ. جاقسى ءۇردىس. كوپ بالالى وتباسىلاردان شىققان تالاپكەرلەرگە قوسىمشا تاعى 5000 گرانت ءبولىندى. قاراعاندى وبلىسىنا وسى بەس مىڭنىڭ 195 گرانتى بەرىلدى. بىراق ءدال قازىر وبلىستا وسى گرانتقا تەك 67 بالا عانا ءوتىنىش جازدى. ياعني بولىنگەن گرانتتىڭ باسىم بولىگى يگەرىلمەيدى. نەگە دەرسىز. سەبەبى ءبىلىم جانە عىلىم مينيسترلىگى كوپ بالالى وتباسىلارعا بولىنگەن قوسىمشا گرانتتى پەداگوگيكالىق، اۋىلشارۋاشىلىق جانە ينجەنەرلىك، IT ماماندىقتارعا بەرىلسىن دەپ بۇيىرعان.
سوندا دەيمىن، وبلىستىق ءبىلىم باسقارماسى ءوڭىردىڭ ەرەكشەلىكتەرىنە، كوپ بالالى وتباسىلاردىڭ سانىنا، ۇبت تاپسىرىپ شەكتى بالل جيناعاندار تاڭداعان ماماندىققا مونيتورينگ جاساپ، وزدىگىنەن ۇسىنىس جاساي الماي ما؟ مەكتەپتەر مەن ءبىلىم باسقارماسى تۇلەكتەردىڭ قانداي ماماندىققا تاپسىرعانىن بىلەدى. وسىنىڭ نەگىزىندە، ءبىزدىڭ وڭىردە مىنانداي ماماندىقتارعا باسىمدىق بەرىلدى، وسىنشا تۇلەك مىنا ماماندىقتى تاڭدادى، گرانتتى وسىلارعا بولۋلەرىڭىزدى سۇرايمىز دەپ نەگە ۇسىنىس جاساماعان؟ ەندى بوس قالعان 128 گرانت قايدا بەرىلەدى؟ رەسپۋبليكا بويىنشا كوپ بالالى وتباسىلاردىڭ تۇلەكتەرىنە بەرىلگەن 5000 گرانتتىڭ قانشاسى يەسىن تاپتى؟

جىل باسىندا وبلىس اكىمى ەرلان جاقانۇلى كوپ بالالى وتباسىلاردىڭ بالالارى ءۇشىن كوللەدجدەرگە 8000 گرانت بەرىلەدى دەپ حابارلاعان. كەشە وبلىستىق ءبىلىم باسقارماسىنا باردىم. كوللەدجدەرگە كوپ بالالىلار ءۇشىن بىردە ءبىر گرانت بولىنبەگەن. جالپى كونكۋرسقا تۇسكەندە دە ەش جەڭىلدىك جوق. ال، ۇوس مەن اۋعان سوعىسى ارداگەرلەرىنىڭ بالالارىنا گرانت بەرۋ كەزىندە جەڭىلدىك قاراستىرىلعان.

قاراعاندىنىڭ بىردە ءبىر ۋنيۆەرسيتەتى كوپ بالالى وتباسىلاردىڭ ستۋدەنتتەرىنە 10 پايىز دا جەڭىلدىك جاسامايدى. ءبىر ۇيدەن ەكى ستۋدەنت اقىلى بولىمدە وقىسا ءتىپتى اۋىر. تامىزدىڭ 25 كۇنى وقۋ اقىسىنىڭ 30 پايىزىن تولەمەسە وقۋعا قابىلدامايدى. ال يگەرىلمەگەن گرانت قانشاما؟

 

ءلاززات قوجاحمەت

"ادىرنا" ۇلتتىق پورتالى

پىكىرلەر