وسكەمەندە اۆتوتسوننىڭ ەسىگىن ەشكىم بۇزىپ كىرگەن جوق. الەۋمەتتىك جەلىلەردە تاراتىلعان بەينەجازبانى حالىق دۇرىس تۇسىنبەي قالعان. بۇل تۋرالى شقو-داعى مەملەكەتتىك قىزمەت ىستەرى جونىندەگى دەپارتامەنى باسشىسىنىڭ ورىنباسارى قايرات ساپارعاليەۆ ءمالىم ەتتى.
– قازىرگى كۇنى وبلىس ورتالىعىنداعى اۆتوتسوندا ساعاتتاپ كەزەك كۇتىپ تۇرمايسىز. ارينە، شىلدەنىڭ باسىندا مۇنداي وقيعالار بولعان. مۇنى جاسىرمايمىز. بىراق قازىر بۇل ماسەلەنىڭ ءبارى رەتتەلدى، - دەيدى قايرات ساپارعاليەۆ.
مامانداندىرىلعان قىزمەت كورسەتۋ ورتالىعىننىڭ جۇكتەلىسىن ازايتۋ ماقساتىندا بۇگىندە وسكەمەندەگى ساتپاەۆ، قازاقستان جانە مىزا كوشەلەرىنىڭ بويىنداعى حقكو-نان قوسىمشا "تەرەزە" اشىلىپتى. ەندى سول جەرلەرگە بارىپ، اۆتوكولىكتىڭ قۇجاتتارىن تەز ارادا راسىمدەۋگە بولادى. سونىمەن قاتار، ۇيدە وتىرىپ-اق ينتەرنەتتىڭ كومەگىمەن قۇجاتتاردى الۋعا ءوتىنىش ءبىلدىرىپ، ءبىر ساعاتتان سوڭ "اۆتوتسوننان" دايىن قۇجاتتاردى الىپ كەتۋگە بولادى دەيدى ماماندار.
اۆتوكولىكتىڭ قۇجاتتارىن ۇيدەن شىقپاي-اق راسىمدەۋگە بولادى
09.08.2019
1656
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз