قازاقستانعا 250 توننادان استام رەسەيلىك بيداي يمپورتتالماق بولدى، دەپ حابارلايدى “ادىرنا” ۇلتتىق پورتالى قر اۋىل شارۋاشىلىعى مينيسترلىگىنىڭ ءباسپاسوز قىزمەتىنە سىلتەپ.
«6 قىركۇيەكتە باتىس قازاقستان وبلىسىنىڭ تەمىرجول فيتوسانيتاريالىق بەكەتتەرىندە اۋماقتىق ينسپەكتسيا ينسپەكتورلارى رەسەي فەدەراتسياسىنىڭ ساراتوۆ وبلىسىنان ءتورت ۆاگون بيدايدى (251 توننا) تاۋىپ، كەرى قايتاردى. ۆاگوندار تالدىقورعانعا بەت العان»، - دەلىنگەن حابارلامادا.
قازاقستانعا استىق اكەلۋگە تىيىم سالىنعاننان بەرى تىيىم سالىنعان ونىمدەردى زاڭسىز اكەلۋ ارەكەتتەرى كوپ بولعانى حابارلاندى.
«بۇل فاكت استىقتى زاڭسىز الىپ ءوتۋ ارەكەتتەرىنىڭ جالعاسىپ جاتقانىن كورسەتەدى»، - دەلىنگەن حابارلامادا.
ەستەرىڭىزگە سالا كەتەيىك، قر اۋىل شارۋاشىلىعى مينيسترلىگى ءۇشىنشى ەلدەر مەن ەاەو مەملەكەتتەرىنەن بيداي يمپورتىنا ۋاقىتشا تىيىم سالعان بولاتىن.
