شىمكەنت قالاسىنىڭ تۇرعىندارى مەملەكەت باسشىسىنىڭ ەكولوگيالىق مادەنيەتتى قالىپتاستىرۋ جونىندەگى باستاماسىنا جان-جاقتى قولداۋ كورسەتىپ كەلەدى. مۇنى تۇرعىنداردىڭ «تازا قازاقستان» ەكولوگيالىق باعدارلاماسى اياسىندا ءوتىپ جاتقان ءىس-شارالارعا بەلسەندى تۇردە قاتىسۋىنان دا بايقاۋعا بولادى.
ماسەلەن، بۇگىن قاراتاۋ اۋدانىنداعى قايتپاس شاعىن اۋدانىندا وتكەن «تازا كوشە» اتتى ءىس-شاراعا جەرگىلىكتى تۇرعىندار، بەلسەندى، ەرىكتى جاستار، «جاسىل ەل» جاساقتارىنىڭ مۇشەلەرى جانە ەڭبەك ارداگەرلەرى دە بەلسەندى تۇردە قاتىستى.
ءىس-شاراعا 120-دان استام اۋدان تۇرعىندارى، 8 تەحنيكا جۇمىلدىرىلىپ، 18 توننا قوقىس شىعارىلدى. تازالىق شاراسىنا قاتىسۋشىلار الماتى تاس جولى مەن ق.تولەمەتوۆ كوشەسىنىڭ بويىندا كۇل-قوقىستاردى تازالاپ، جول جيەكتەرىندەگى قاتتى قالدىقتار مەن پلاسماس قالدىقتاردى (پاكەت، باكلاجكا، قاعاز جانە ت.ب) رەتكە كەلتىرىپ شىقتى.
«تازا قازاقستان» ەكولوگيالىق باعدارلاماسى تۇرعىنداردى، اسىرەسە، جاستاردى اينالامىزدىڭ تازا بولۋىن ساقتاۋعا ءوز ۇلەسىن قوسۋعا شاقىرادى. قورشاعان ورتانى، تابيعاتتى قورعاۋ – بارشامىزعا ورتاق مىندەت. سوندىقتان شىمكەنت قالاسىنىڭ جاستارىن وسى يگىلىكتى شاراعا ۇلەس قوسۋعا شاقىرامىن»، - دەيدى «جاسىل ەل» شتابىنىڭ قاراتاۋ اۋدانى بويىنشا ۇيلەستىرۋشىسى نۇرلىيسلام قۋانىش.
ايتا كەتەيىك، تازالىق شارالارى شىمكەنت قالاسىنىڭ بارلىق اۋداندارىندا جاپپاي وتكىزىلۋدە جانە قوقىستار جينالىپ، تازالىقتى ساقتاۋ، جالپى قورشاعان ورتاعا ۇقىپتى قاراۋ ىقپال ەتىپ كەلەدى.
