Shymkent qalasynyń turǵyndary Memleket basshysynyń ekologııalyq mádenıetti qalyptastyrý jónindegi bastamasyna jan-jaqty qoldaý kórsetip keledi. Muny turǵyndardyń «Taza Qazaqstan» ekologııalyq baǵdarlamasy aıasynda ótip jatqan is-sharalarǵa belsendi túrde qatysýynan da baıqaýǵa bolady.
Máselen, búgin Qarataý aýdanyndaǵy Qaıtpas shaǵyn aýdanynda ótken «Taza kóshe» atty is-sharaǵa jergilikti turǵyndar, belsendi, erikti jastar, «Jasyl el» jasaqtarynyń músheleri jáne eńbek ardagerleri de belsendi túrde qatysty.
Is-sharaǵa 120-dan astam aýdan turǵyndary, 8 tehnıka jumyldyrylyp, 18 tonna qoqys shyǵaryldy. Tazalyq sharasyna qatysýshylar Almaty tas joly men Q.Tólemetov kóshesiniń boıynda kúl-qoqystardy tazalap, jol jıekterindegi qatty qaldyqtar men plasmas qaldyqtardy (paket, baklajka, qaǵaz jáne t.b) retke keltirip shyqty.
«Taza Qazaqstan» ekologııalyq baǵdarlamasy turǵyndardy, ásirese, jastardy aınalamyzdyń taza bolýyn saqtaýǵa óz úlesin qosýǵa shaqyrady. Qorshaǵan ortany, tabıǵatty qorǵaý – barshamyzǵa ortaq mindet. Sondyqtan Shymkent qalasynyń jastaryn osy ıgilikti sharaǵa úles qosýǵa shaqyramyn», - deıdi «Jasyl el» shtabynyń Qarataý aýdany boıynsha úılestirýshisi Nurlyıslam Qýanysh.
Aıta keteıik, tazalyq sharalary Shymkent qalasynyń barlyq aýdandarynda jappaı ótkizilýde jáne qoqystar jınalyp, tazalyqty saqtaý, jalpy qorshaǵan ortaǵa uqypty qaraý yqpal etip keledi.
