جايرەمدەگى توبەلەس. جەتى ادام قامالدى

2768
Adyrna.kz Telegram
قاراعاندى وبلىسىنداعى جايرەم تاۋ-كەن كومبيناتىندا بولعان جانجالدان كەيىن جەتى ادام ۇستالىپ، تەرگەۋ يزولياتورىنا قامالدى دەپ حابارلايدى قاراعاندى وبلىسى پوليتسيا دەپارتامەنتى حابارلادى.

 ۇستالعاندار 22-33 جاستا. ولار «بۇزاقىلىق جانە بوتەننىڭ مۇلكىن ۇرلاۋ» بابى بويىنشا كۇدىككە ءىلىندى.

12 تامىزدا جايرەمدەگى تاۋ-كەن كومبيناتىندا جانجال بولىپ، شەتەلدىك بىرنەشە جۇمىسشى جاراقاتتانعان بولاتىن.   الەۋمەتتىك جەلىدە جەرگىلىكتى قىزدىڭ جالاڭاش سۋرەتى شىعىپ، ونىڭ ارتى جەرگىلىكتى تۇرعىندار مەن شەتتەن كەلگەن جۇمىسشىلاردىڭ اراسىنداعى قاقتىعىسقا ۇلاسقان. قاراعاندى وبلىسىنىڭ اكىمى قوشانوۆ وقيعا ورنىنا جەدەل بارۋىنىڭ ناتيجەسىندە توبەلەس توقتاعان ەدى. پوليتسيا وقيعانى «تۇرمىستىق جانجال» دەپ اتادى.

جەرگىلىكتى حالىق سىرتتان كەلگەن جۇمىسشىلاردىڭ جايرەمدە جۇمىس ىستەۋىنە قارسىلىق ءبىلدىرىپ، سۋرەتتى ينتەرنەتكە سالعاندار كەشىرىم سۇراسىن دەگەن تالاپ قويدى.

ارتىنان سۋرەتتى تاراتقان تۇرىك جۇمىسشىسى جەلى ارقىلى كەشىرىم سۇراعان ەدى.

"ادىرنا" ۇلتتىق پورتالى

 

پىكىرلەر