2024 جىلعى 4 قىركۇيەكتە ساعات 10.00-دە داۋلەت سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتى «قازاقستاندى دامىتۋ ءۇشىن بەيبىت اتوم: قازاقستان رەسپۋبليكاسىنا اتوم ەنەرگەتيكاسىنىڭ جاڭا مۇمكىندىكتەرى» تاقىرىبىندا ساراپتامالىق تالقىلاۋ وتكىزەدى.
قازاقستان رەسپۋبليكاسى پرەزيدەنتى قاسىم-جومارت توقاەۆ ءوزىنىڭ جىل سايىنعى جولداۋىندا اەس قۇرىلىسى جونىندەگى رەفەرەندۋمنىڭ وتكىزىلەتىن كۇنىن – وسى جىلدىڭ 6 قازانىندا جاريالادى. شقتۋ بازاسىندا «قازاقستاندى دامىتۋ ءۇشىن بەيبىت اتوم» تاقىرىبىندا تالقىلاۋعا قاتىسۋ ءۇشىن اتوم ەنەرگەتيكاسى جانە تۇراقتى دامۋ سالاسىنداعى ساراپشىلار جينالادى.
ءىس-شارا بارىسىندا قازاقستاننىڭ ۇزاق مەرزىمدى دامۋ ماقساتتارىنا جەتۋ ءۇشىن بەيبىت اتومدى پايدالانۋ مۇمكىندىكتەرىن قاراستىرىپ، كليماتتىڭ جاھاندىق وزگەرۋى جانە نەعۇرلىم تازا ەنەرگيا كوزدەرىنە كوشۋ قاجەتتىلىگى تۇرعىسىنان اتوم ەنەرگەتيكاسىنىڭ الەۋەتىن ەكونوميكالىق تۇراقتى ءوسۋ مەن ەنەرگەتيكالىق قاۋىپسىزدىكتى قامتاماسىز ەتۋ ءۇشىن تالقىلاندى.
ساراپشىلار الەمدەگى اتوم ەنەرگەتيكاسىنىڭ قازىرگى جاعدايى مەن قازاقستان ءۇشىن اتوم ەنەرگەتيكاسىنىڭ دامۋ پەرسپەكتيۆالارى، رادياتسيالىق قاۋىپسىزدىك جانە اتوم ەنەرگەتيكاسى، يادرولىق عىلىم مەن تەحنولوگيالار ءۇشىن كادرلاردى دايارلاۋ جانە ادامي رەسۋرستاردى دامىتۋ ماسەلەلەرىن تالقىلادى.
شقتۋ اتىنان، ساۋلەت جانە قۇرىلىس مەكتەبىنىڭ دەكانى اكاەۆ ا.م.; PhD, VERITAS ۇزدىكسىز ءبىلىم بەرۋ ورتالىعىنىڭ جەتەكشىسى كوجاحمەتوۆ ە.ا.; ەكولوگيا جانە تىرشىلىك قاۋىپسىزدىگى سالاسىنداعى قۇزىرەتتىلىك ورتالىعىنىڭ عىلىمي قىزمەتكەرى توقتاعانوۆ ت.ش سپيكەرلەر رەتىندە ءسوز سويلەپ PhD, پىكىرلەرىن ايتتى.
