مينيستر: حيدجاب تازالىققا قايشى كەلەدى

2790
Adyrna.kz Telegram

تاجىكستاننىڭ مادەنيەت ءمينيسترى شامسۋددين ومۋربەكزودانىڭ ايتۋىنشا، حيدجاب جەرگىلىكتى كليماتپەن ۇيلەسپەيدى، اپتاپ ىستىقتا حيدجاب تازالىق تالاپتارىن بۇزادى.

بۇل تۋرالى islam.kz حابارلايدى.

تاجىكستاندا شاريعات تالاپتارىنا ساي بۇركەنەتىن، ياعني، اۋرەت جەرىن قىمتاپ ۇستايتىن ايەلدەردى بۇل ءدىني تىيىمنان قايتارۋ ءۇشىن ارنايى جۇمىسشى توبى قۇرىلعانى حابارلانعان بولاتىن.

ايەلدەرگە حيدجاب كيمەۋدى ناسيحاتتايتىن كوميسسيانى اتالعان ەلدىڭ مادەنيەت ءمينيسترى شامسۋددين ومۋربەكزودا باسقارادى. ول ءوزىنىڭ مىندەتىن تۇسىندىرە كەلە، حيدجاب تۋرالى پىكىر ءبىلدىرىپ، ايدى اسپانعا ءبىر-اق شىعاردى.

ونىڭ ايتۋىنشا، حيدجاب جەرگىلىكتى كليماتپەن ۇيلەسپەيدى. ياعني، تاجىكستانداعى اپتاپ ىستىقتا حيدجاب تازالىق تالاپتارىن بۇزادى ەكەن.

بۇعان قوسا، ونىڭ سوزىنە قاراعاندا، حيدجاب كيگەن ايەل كوپشىلىك ورىندا، ياعني، قوعامدىق ورىنداردا ادامدارعا ۇرەي سالاتىن كورىنەدى. كويلەگىنىڭ استىنا ادام ءومىرى مەن دەنساۋلىعىنا قاۋىپتى قارۋ جاسىرىپ الۋى مۇمكىن ەكەنىن العا تارتتى.

 

 

"ادىرنا" ۇلتتىق پورتالى

پىكىرلەر