ماسكەۋ اۋەجايلارىندا اعىمداعى جىلدىڭ 1 جەلتوقسانىنان باستاپ رەسەي استاناسىنا كەلەتىن شەتەلدىكتەردىڭ بيومەتريالىق دەرەكتەرىن جيناۋدى ەنگىزۋ ماسەلەلەرى جوسپارلانىپ جاتىر، دەپ حابارلايدى "ادىرنا" ۇلتتىق پورتالى كوممەرسانتقا سىلتەپ.
«شەرەمەتەۆو، دومودەدوۆو، ۆنۋكوۆو جانە جۋكوۆسكي اۋەجايلارىندا رەسەيگە كەلەتىن شەتەلدىكتەردىڭ بيومەتريالىق دەرەكتەرىن جيناۋ ەكسپەريمەنتى باستالۋى مۇمكىن»، - دەپ حابارلاندى ۇكىمەت مالىمەتىندە.
فسب شەكارا قىزمەتىنىڭ قىزمەتكەرلەرى شەكارا بەكەتتەرىندە تسيفرلىق فوتوسۋرەتتەر مەن ساۋساق ىزدەرىن جينايتىن بولادى.
ەسكەرە كەتۋ كەرەك، بەلارۋس ازاماتتارىنا، التى جاسقا دەيىنگى بالالارعا، ديپلوماتتارعا جانە ولاردىڭ وتباسى مۇشەلەرىنە، «حالىقارالىق ۇيىمداردىڭ جانە ولاردىڭ رەسەيدە اككرەديتتەلگەن وكىلدىكتەرىنىڭ قىزمەتكەرلەرىنە» ەرەكشەلىكتەر جاسالادى.
رەسەي فەدەراتسياسىنىڭ تسيفرلىق دامۋ مينيسترلىگى ەكسپەريمەنت ءساتتى بولسا، بۇل ەرەجەلەر تۇراقتى تۇردە قولدانىلاتىنىن اتاپ ءوتتى.
