تەننيستەن قازاقستاننىڭ ءبىرىنشى راكەتكاسى ەلەنا رىباكينا اقش-تاعى US Open تۋرنيرىندە جارىس جولىنان شىعىپ قالدى، دەپ حابارلايدى «ادىرنا» ءتىلشىسى.
سپورتشى چەمپيوناتتىڭ ەكىنشى اينالىمىندا فرانتسيالىق دجەسسيكا پونشەمەن وتەتىن ويىنعا قاتىسۋدان باس تارتتى. قازاقستاندىق تەننيسشىنىڭ اقش اشىق چەمپيوناتىن جالعاستىرا الماۋىنا العان جاراقاتى سەبەپ بولىپ وتىر.
«جاراقاتتارىما بايلانىستى ماتچتان باس تارتۋعا ءماجبۇر بولدىم. وسى ماۋسىمداعى سوڭعى «ۇلكەن دۋلىعا» ءتۋرنيرىن بۇلاي اياقتاعىم كەلمەدى. الايدا دەنساۋلىعىما قاراۋىم كەرەك بولدى. جىل سوڭىنداعى جارىستاردى ءساتتى وتكىزەمىن دەپ ويلايمىن»،–دەدى ول.
ايتا كەتەيىك، ەلەنا رىباكينا بيىلعى ماۋسىمدا وسىمەن سەگىزىنشى تۋرنيرگە قاتىسۋدان ءوز ەركىمەن باس تارتىپ وتىر.
