KAZENERGY قاۋىمداستىعىنىڭ اەس قۇرىلىسىنا قاتىستى مالىمدەمە جاسادى, دەپ حابارلايدى "ادىرنا" ۇلتتىق پورتالى.
"اەس سەنىمدى ەنەرگيا كوزى بولىپ تابىلادى، جوعارى تيىمدىلىككە جانە بازالىق جۇكتەمە رەجيمىندە جۇمىس ىستەۋ مۇمكىندىگىنە يە، بۇل گەنەراتسيا قۇرىلىمىن ارتاراپتاندىرۋعا، بىرىڭعاي ەنەرگەتيكالىق جۇيەنىڭ جۇمىسىن جاقسارتۋعا جانە ەلدىڭ ەنەرگيا قاۋىپسىزدىگىن ەداۋىر نىعايتۋعا كومەكتەسەدى" ەكەنىن جازدى قاۋىمداستىق.
اتوم ەنەرگەتيكاسىن ەلدىڭ ەنەرگيا تەڭگەرىمىنە ەنگىزۋ قازبا كوزدەرىنە تاۋەلدىلىكتى ازايتۋعا جانە اتموسفەراعا زياندى شىعارىندىلاردى ازايتۋعا مۇمكىندىك بەرەتىنىن قوسا كەتتى.
"اتوم ەنەرگەتيكاسى - بۇل عىلىم مەن ءبىلىمنىڭ دامۋىنا ىقپال ەتەتىن جوعارى تەحنولوگيالىق سالا. قازاقستان اتوم ەنەرگەتيكاسىن دامىتۋ ءۇشىن ايتارلىقتاي تەحنولوگيالىق الەۋەتكە يە. ەلدە يادرولىق رەاكتورلاردى پايدالانۋ تاجىريبەسى جيناقتالعان، يادرولىق وتىندى شىعارۋ ءوندىرىسى بار، بەلگىلى عىلىمي-زەرتتەۋ مەكەمەلەرى جۇمىس جاسايدى. كۋرچاتوۆتاعى ۇلتتىق يادرولىق ورتالىق پەن الماتىداعى يادرولىق فيزيكا ينستيتۋتىنىڭ عالىمدارىنىڭ بىرەگەي زەرتتەۋلەرى ەلىمىزدىڭ تىس جەرلەرىندە بەلگىلى جانە ولاردى اتوم ستانتسيالارىن پايدالاناتىن ەلدەر جوعارى باعالايدى" دەلىنگەن حابارلاما ماتىنىندە.
سونداي-اق، قاۋىپسىزدىك تۇرعىسىنان قۇرىلىسقا جوسپارلانعان اتوم ەلەكتر ستانتسيالارى قاۋىپسىزدىك پەن تيىمدىلىكتىڭ حالىقارالىق ستاندارتتارىنا سايكەس كەلەتىن 3+ بۋىندى رەاكتورلارمەن جابدىقتالاتىنى ايتىلدى.
ء"بىزدىڭ ەلىمىزدە تولىققاندى اتوم دەرجاۆاسى بولۋ ءۇشىن بارلىق العىشارتتار بار: ءبىز ۋران ءوندىرۋ بويىنشا تانىلعان الەمدىك كوشباسشى بولىپ تابىلامىز، قازاقستاننىڭ از قۋاتتى زەرتتەۋ اتوم رەاكتورلارىن قاۋىپسىز پايدالانۋدا تابىستى تاجىريبەسى بار، ەلىمىز حالىقارالىق اتوم ەنەرگياسى جونىندەگى اگەنتتىگى - ماگاتە-ءنىڭ مۇشەسى بولىپ تابىلادى. سول ماگاتە-ءنىڭ تاۋەلسىز باعالاۋى بويىنشا قازاقستان اەس قۇرىلىسىن باستاۋ جانە ودان ءارى پايدالانۋ ءۇشىن قاجەتتى ينفراقۇرىلىمعا يە. قازاقستاندا اەس سالۋ ەنەرگەتيكالىق تاۋەلسىزدىككە جانە تۇراقتى دامۋعا قول جەتكىزۋدەگى ستراتەگيالىق ماڭىزدى قادام بولىپ تابىلادى. بۇل شەشىم ەلدىڭ ەنەرگەتيكالىق قاۋىپسىزدىگىن نىعايتىپ قانا قويماي، ادامي كاپيتالدىڭ دامۋىنا، عىلىم مەن ونەركاسىپتىڭ دامۋىنا، جاڭا جوعارى تەحنولوگيالىق كاسىپورىنداردىڭ قۇرىلۋىنا ۇلكەن سەرپىن بەرەدى جانە ەكونوميكاعا مۋلتيپليكاتيۆتى اسەر ەتەدى" دەپ جازدى KAZENERGY قاۋىمداستىعى.
