سىبايلاس جەمقورلىققا قارسى قىزمەت اگەنتتىگى قازاقستان ازاماتتارىنا الاياقتاردىڭ WhatsApp, Telegram جانە تاعى باسقا جەلىلەردە جالعان اقپارات تاراتىنىن ايتىپ، ەسكەرتۋ جاسادى، دەپ حابارلايدى "ادىرنا" ۇلتتىق پورتالى.
سىبايلاس جەمقورلىققا قارسى قىزمەت اگەنتتىگىنىڭ مالىمەتىنشە، الاياقتار WhatsApp, Telegram ارقىلى اگەنتتىكتىڭ باسشىلىعى مەن قىزمەتكەرلەرىنىڭ اتىنان جالعان اككاۋنتتارمەن تىركەلىپ، جالعان اقپارات تاراتىپ ءجۇر. ولار ۆەدومستۆونىڭ سيمۆوليكاسى بار ارنايى جاسالعان قۇجاتتاردىڭ فايلدارىن جىبەرەدى.
“جالعان اقپاراتتارعا سەنبەۋدى، كۇماندى سىلتەمەلەرگە وتپەۋدى، سونداي-اق قولما-قول اقشا اۋدارماۋعا شاقىرامىز. وسىنداي قوڭىراۋلار مەن اقپاراتتار العان جاعدايدا قۇقىق قورعاۋ ورگاندارىنا دەرەۋ حابار بەرۋدى سۇرايمىز”، – دەپ دابىل قاقتى سىبايلاس جەمقورلىققا قارسى قىزمەت اگەنتتىگى.
