كوكشەتاۋ قالاسىندا «Digital كazakhstan: جاڭا زامانداعى ءبىلىم بەرۋ» وبلىستىق تامىز كەڭەسى ءوتتى. «Bolashaq saraiy»-ندا وبلىستىڭ ءبىلىم بەرۋ جۇيەسىنىڭ جاعدايىن باعالاۋ، تسيفرلاندىرۋ جانە جاساندى ينتەللەكت تەحنولوگيالارىن ەنگىزۋ ارقىلى دامۋ باعىتتارىن انىقتاۋعا باعىتتالعان كەڭەسكە 500-دەي ۇستاز قاتىستى.
قر پرەزيدەنتى ق.توقاەۆ قازاقستان حالقىنا 2021 جىلدىڭ 1 قىركۇيەكتەگى «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋىندا تسيفرلاندىرۋ – مەملەكەت دامۋىنىڭ باسىم باعىتتارىنىڭ ءبىرى بولىپ تابىلاتىنىن ەرەكشە اتادى.
ءبىلىم بەرۋدەگى تسيفرلىق ترانسفورماتسيا ءبىلىم بەرۋدىڭ ساپاسى مەن قولجەتىمدىلىگىن ارتتىرۋ، سونىڭ ىشىندە وقۋ جوسپارلارى مەن وقىتۋ ادىستەرىن جاڭا تەحنولوگيالىق شىندىققا بەيىمدەۋ ءۇشىن تسيفرلىق تەحنولوگيالاردى ينتەگراتسيالاۋ قاجەتتىلىك رەتىندە ۇلتتىق باياندامادا تالقىلانادى.
«مەملەكەت باسشىسى پەداگوگتىڭ قوعامداعى ماڭىزدى ءرولىن ءاردايىم اتاپ وتەدى، ال وقىتۋ مەن تاربيەلەۋدە ول اسا ماڭىزدى جانە ايقىنداۋشى بولىپ تابىلادى. سىزدەردىڭ جوعارى كاسىبي قىزمەتىڭىزدىڭ، بەلسەندى ازاماتتىق ۇستانىمىڭىزدىڭ ارقاسىندا ءبىز ءبىلىم بەرۋ سالاسىنىڭ جۇيەلى جۇمىسىن، قويىلعان ماقساتتار مەن مىندەتتەردى ىسكە اسىرۋدى قامتاماسىز ەتە الدىق»، - اتاپ ءوتتى اقمولا وبلىسى اكىمىنىڭ ورىنباسارى التىناي امىرەنوۆا.
پلەنارلىق وتىرىسقا قر وقۋ-اعارتۋ مينيسترلىگى، اقمولا وبلىسىنىڭ پەداگوگيكالىق قاۋىمداستىعىنىڭ وكىلدەرى، تۇركيا رەسپۋبليكاسىنىڭ قازاقستانداعى ەلشىلىگىنىڭ ءبىلىم جونىندەگى كەڭەسشىسى ومەر ينان، «Global Sapa» حالىقارالىق اكادەمياسىنىڭ نەگىزىن قالاۋشى تىلەكتەس شينگۋجينوۆا، Webster ۋنيۆەرسيتەتىنىڭ رەكتورى، ارنايى (ينكليۋزيۆتى) ءبىلىم بەرۋ كافەدراسىنىڭ دوتسەنتى ستەفاني ماحفۋد (اقش) قاتىستى.
«تامىز كەڭەسىنىڭ باستى مىندەتى تسيفرلاندىرۋ جانە جاساندى ينتەللەكتتى قولدانۋ ارقىلى ءبىلىم بەرۋ جۇيەسىن دامىتۋدىڭ بىرىڭعاي تاسىلدەرىن قابىلداۋ بولىپ تابىلاتىنى كەزدەيسوق ەمەس. ەڭ باستىسى – زاماناۋي ءبىلىم بەرۋ سالاسىنداعى وزگەرىستەرگە تەز بەيىمدەلۋ» - دەدى وبلىستىق ءبىلىم باسقارماسى باسشىسىنىڭ م.ا. ايناگۇل بالتاشەۆا.
ايتا كەتەيىك، جاساندى ينتەللەكت پەن تسيفرلىق تەحنولوگيالاردى قولدانۋعا ارنالعان تامىز كونفەرەنتسياسىنا اۋداندار مەن قالالاردىڭ پەداگوگيكالىق قوعامداستىعىنىڭ دەلەگاتسيالارى، جەرگىلىكتى مەملەكەتتىك ورگانداردىڭ باسشىلارى، وبلىستىق ءماسليحاتتىڭ دەپۋتاتتارى، ۇەۇ، باق جانە اتا-انالار قوعامداستىعىنىڭ وكىلدەرى، ءبىلىم بەرۋ سالاسىنىڭ ارداگەرلەرى قاتىستى. قاتىسۋشىلارعا ارنالعان 22 سەكتسيانىڭ جۇمىسى ۇيىمداستىرىلدى.
تامىز كەڭەسى اياسىندا «Bolashaq Saraiy»-نىڭ 1-قاباتىنىڭ 117 كابينەتى منە 2 قاباتتىڭ فويەسىندە تسيفرلىق جانە شىعارماشىلىق كورمە جۇمىسى وتەدى. كورمەدە ءوڭىردىڭ ءبىلىم بەرۋ جۇيەسىندەگى تسيفرلىق تەحنولوگيالاردىڭ ازىرلەمەلەرى مەن جەتىستىكتەرى ۇسىنىلدى.
