قازاقستان - زايىرلى مەملەكەت

3397
Adyrna.kz Telegram

2019 جىلى شىلدە ايىندا "قازاقستان رەسپۋبليكاسىنداعى لاڭكەستىك جانە ەكسترەميزم ماسەلەلەرىن زەرتتەۋ ورتالىعىنىڭ" پرەزيدەنتى كاكيمجان مۋراتجانۇلى بيشمانوۆ ۇيىمداستىرۋى بويىنشا الماتى قالاسىندا "قازاقستان - زايىرلى مەملەكەت" اتتى ۇلكەن كولەمدە بىرنەشە لەكتسيا ءوتتى. اتاپ ايتقاندا، قالالىق ستۋدەنتتەر ەمحاناسى، №7 قالالىق كلينيكالىق اۋرۋحانا جانە پروفەسسور رۋزۋددينوۆتىڭ مەديتسينالىق-ستوماتولوگيالىق كوللەدجى، اۆيامەد مەديتسينالىق كوللەدجى، قازاقستان-رەسەي مەديتسينالىق كوللەدجىنىڭ مۇعالىمدەرى مەن قىزمەتكەرلەرىنە قازاقستان رەسپۋبليكاسىنىڭ ءدىن سالاسىنداعى مەملەكەتتىك ساياساتىنىڭ 2017-2020 جىلدارعا ارنالعان تۇجىرىمداماسى باياندالدى.
وسى شاراعا ءال فارابي اتىنداعى قازاق ۇلتتىق ۋنيۆەرسيتەتتىڭ ءدىنتانۋشى پروفەسسورلارى مەن دوكتورانتتارى قاتىسىپ، بەلسەندىلىك كورسەتتى. ءىس-شارا مودەراتورى ك.م.بيشمانوۆتىڭ تاراپىنان لاڭكەستىك جانە ەكسترەميزم ماسەلەلەرى بويىنشا قازىرگى تاڭدا تىركەلىپ وتىرعان نەگىزگى فاكتىلار ۇسىنىلدى.
بايانداماشىلار ءوز سوزدەرىندە: ءبىزدىڭ مەملەكەتىمىزدىڭ زايىرلىلىق سيپاتى - قازاقستاننىڭ دامۋىنىڭ ماڭىزدى شارتى ەكەنىن اتاپ ءوتتى. ءبىزدىڭ ءدىن سالاسىنداعى ساياساتىمىز كونفەسسياارالىق بەيبىتشىلىك پەن تولەرانتتىلىقتى نىعايتۋعا باعىتتالادى. سوعان بايلانىستى قازاقستان دامۋىنىڭ زايىرلىلىق ءپرينتسيپىنىڭ مىزعىماستىعىن قامتاماسىز ەتۋ ءۇشىن بارلىق قولدا بار اكىمشىلىك - قۇقىقتىق جانە قىلمىستىق – قۇقىقتىق شارالاردى پايدالانا وتىرىپ ونى ءدىني ەكسترەميزم مەن لاڭكەستىكتىڭ دەسترۋكتيۆتى يدەولوگياسى تاراپىنان بولاتىن شابۋىلداردان قورعاۋىمىز قاجەت - دەگەن قورىتىندىعا كەلدى.
ءبىزدىڭ مەملەكەتتىڭ زايىرلى تابيعاتى قازاقستاننىڭ تابىستى دامۋىنىڭ ماڭىزدى شارتى بولىپ تابىلادى. وسى كۇندەرى الماتى قالاسىنىڭ بارلىق اۋداندارىندا دا وسىنداي دارىستەر وتكىزىلەدى. «ءدارىس» بارىسىندا قاتىسۋشىلار قازاقستاندا زايىرلى مەملەكەت ۇعىمىنىڭ ءتۇپ-تامىرى ءدىني قۇقىق تۇرعىسىنان ادامسۇيگىشتىك قۇقىعىن باسشىلىققا الۋدا جاتىر. ادام جانە ادامنىڭ قۇندىلىعى عاسىرلار تەرەڭىنەن زايىرلى جانە قۇقىقتىق مەملەكەت قۇرۋعا دەگەن تالپىنىستى تۋىنداتتى. زايىرلى مەملەكەتتە ءدىني قۇقىق ەمەس، ادامنىڭ دىنگە دەگەن قۇقىعى الەۋمەتتىك زاڭدىلىقتار شەڭبەرىندە قاراستىرىلاتىندىعى باياندالدى.
ءىس-شاراعا قاتىسۋشىلار تالقىلانعان ماسەلەلەر بويىنشا ءوز كوزقاراستارىن اشىق ءبىلدىردى. ولاردىڭ ءبىزدىڭ قوعامىمىزدىڭ قۇندىلىقتارىنىڭ مىزعىماستىعىنىڭ نەگىزى ءبىزدىڭ ساقتاۋىمىزدى جانە نىعايتا ءتۇسۋىمىزدى قاجەت ەتەتىن بەيبىتشىلىك پەن كەلىسىم ەكەندىگى جونىندەگى پىكىرلەرى ءبىر ارناعا توعىسىپ جاتتى.
ءىس-شارا قاتىسۋشىلارى ءدىن ادامداردى رۋحاني جاقىنداستىرۋعا  شاقىراتىندىعىن، ولاردى جوعالىپ بارا جاتقان ماڭگىلىك قۇندىلىققا قايتاراتىندىعىن اتاپ كورسەتتى. تاۋەلسىز قازاقستان ءوز اتا زاڭىندا كورسەتىلگەندەي زايىرلى مەملەكەت بولىپ قالىپتاسۋىنا لەكتسيا وتكىزىلۋى، ازاماتتارعا جان-جاقتى قۇقىقتىق ءبىلىم بەرۋدە ۇلكەن ءرول اتقاراتىنى كۇمانسىز.

پىكىرلەر