ەكسترەميزم مەن تەرروريزم ادامزاتتىڭ ماسەلەسى

1021

2019 جىلى تامىز ايىندا "قازاقستان رەسپۋبليكاسىنداعى لاڭكەستىك جانە ەكسترەميزم ماسەلەلەرىن زەرتتەۋ ورتالىعىنىڭ" ۇيىمداستىرۋىمەن الماتى قالاسىنىڭ بازارلارىندا، اتاپ ايتقاندا بايسات، جەتىسۋ، ياليان، تاستاق، سالامات، كەنجەحان ساۋدا ورتالىقتارىندا ءدىني قاتىناستار جانە ءدىني ەكسترەميزم مەن تەرروريزمگە قارسى تۇرۋ سالاسىندا زاڭنامالىق نورمالاردى ءتۇسىندىرۋ جۇمىستارى ءوتتى.
بۇل كەزدەسۋلەردىڭ ماقساتى - قالا تۇرعىندارىنا ءدىني قاتىناستار سالاسىنداعى زاڭنامالار نورمالارىن ءتۇسىندىرۋ جانە ءدىني ەكسترەميزم مەن تەرروريزمگە قارسى تۇرۋ قاجەتتىلىگىن تۇرعىندارمەن تالقىلاۋ. كەزدەسۋ بارىسىندا ەكسترەميزمگە قارسى تۇرۋعا باعىتتالعان قازاقستان رەسپۋبليكاسىنىڭ زاڭنامالىق اكتىلەرىندەگى وزگەرىستەرگە بايلانىستى ماسەلەلەر تالقىلاندى. ءدىني ۇيىمدار قىزمەتى، ولاردىڭ مەملەكەتپەن قارىم-قاتىناسى، ءدىنشىل جانە دىنگە سەنبەيتىن ادامداردىڭ قۇقىقتارى تۋرالى قاتىسۋشىلاردى قىزىقتىرعان سۇراقتار بويىنشا كەڭەس بەرىلدى. ىس-شاراعا قاتىسقانداردىڭ بارلىعىنا قازاق جانە ورىس تىلدەرىندەگى ۇلەستىرمەلىك ماتەريالدار تاراتىلدى
«الماتى ۇلكەن مەگاپوليس، مۇندا نەشە ءتۇرلى ادامدار كەلەدى. حالىق  كوپ جۇرەتىن  جەر - بازارلار مەن ساۋدا ورتالىقتارى. سوندىقتان، جوسپارلى شارامىزدى  وسى جەرلەردە  وتكىزۋدى ۇيعاردىق. حالىققا ەكسترەميزم مەن تەرروريزم قاۋپىن بارىنشا  تۇسىندىردىك. جات اعىمداعى ادامدارعا الدانىپ قالماۋدىڭ جولىن، ءدىنشىل جانە دىنگە سەنبەيتىن ادامداردىڭ قۇقىقتارى تۋرالى  ايتتىق»، - دەيدى ءال-فارابي اتىنداعى قازۇۋ ماگيسترى نۇرلان ورىنبەكوۆ
سپيكەرلەر ەكسترەميزم مەن لاڭكەستىككە قارسى مەملەكەتتىك اقپاراتتىق ساياساتتىڭ نەگىزگى اسپەكتىلەرى تۋرالى، دەسترۋكتيۆتى دىندەردىڭ جانە جالعان ءدىني ۇيىمداردىڭ تارالۋىنىڭ الدىن الۋ جونىندە تۋرالى اڭگىمەلەدى. ءىس-شاراعا قاتىسۋشىلار تالقىلانعان ماسەلەلەر بويىنشا ءوز كوزقاراستارىن اشىق ءبىلدىردى. ولاردىڭ ءبىزدىڭ قوعامىمىزدىڭ قۇندىلىقتارىنىڭ مىزعىماستىعىنىڭ نەگىزى ءبىزدىڭ ساقتاۋىمىزدى جانە نىعايتا ءتۇسۋىمىزدى قاجەت ەتەتىن بەيبىتشىلىك پەن كەلىسىم ەكەندىگى جونىندەگى پىكىرلەرى ءبىر ارناعا توعىسىپ جاتتى.

كارلىگاش كاساينوۆا 

قازاقستان رەسپۋبليكاسىنداعى لاڭكەستىك جانە ەكسترەميزم ماسەلەلەرىن زەرتتەۋ ورتالىعىنىڭ باس مامانى 

پىكىرلەر
رەداكتسيا تاڭداۋى