2019 jyly tamyz aıynda "Qazaqstan Respýblıkasyndaǵy lańkestik jáne ekstremızm máselelerin zertteý ortalyǵynyń" uıymdastyrýymen Almaty qalasynyń bazarlarynda, atap aıtqanda Baısat, Jetisý, Ialıan, Tastaq, Salamat, Kenjehan saýda ortalyqtarynda dinı qatynastar jáne dinı ekstremızm men terrorızmge qarsy turý salasynda zańnamalyq normalardy túsindirý jumystary ótti.
Bul kezdesýlerdiń maqsaty - qala turǵyndaryna dinı qatynastar salasyndaǵy zańnamalar normalaryn túsindirý jáne dinı ekstremızm men terrorızmge qarsy turý qajettiligin turǵyndarmen talqylaý. Kezdesý barysynda ekstremızmge qarsy turýǵa baǵyttalǵan Qazaqstan Respýblıkasynyń zańnamalyq aktilerindegi ózgeristerge baılanysty máseleler talqylandy. Dinı uıymdar qyzmeti, olardyń memleketpen qarym-qatynasy, dinshil jáne dinge senbeıtin adamdardyń quqyqtary týraly qatysýshylardy qyzyqtyrǵan suraqtar boıynsha keńes berildi. Is-sharaǵa qatysqandardyń barlyǵyna qazaq jáne orys tilderindegi úlestirmelik materıaldar taratyldy
«Almaty úlken megapolıs, munda neshe túrli adamdar keledi. Halyq kóp júretin jer - bazarlar men saýda ortalyqtary. Sondyqtan, josparly sharamyzdy osy jerlerde ótkizýdi uıǵardyq. Halyqqa ekstremızm men terrorızm qaýpin barynsha túsindirdik. Jat aǵymdaǵy adamdarǵa aldanyp qalmaýdyń jolyn, dinshil jáne dinge senbeıtin adamdardyń quqyqtary týraly aıttyq», - deıdi ál-Farabı atyndaǵy QazUÝ magıstri Nurlan Orynbekov
Spıkerler ekstremızm men lańkestikke qarsy memlekettik aqparattyq saıasattyń negizgi aspektileri týraly, destrýktıvti dinderdiń jáne jalǵan dinı uıymdardyń taralýynyń aldyn alý jóninde týraly áńgimeledi. Is-sharaǵa qatysýshylar talqylanǵan máseleler boıynsha óz kózqarastaryn ashyq bildirdi. Olardyń bizdiń qoǵamymyzdyń qundylyqtarynyń myzǵymastyǵynyń negizi bizdiń saqtaýymyzdy jáne nyǵaıta túsýimizdi qajet etetin beıbitshilik pen kelisim ekendigi jónindegi pikirleri bir arnaǵa toǵysyp jatty.
Karlygash Kasaınova
Qazaqstan Respýblıkasyndaǵy lańkestik jáne ekstremızm máselelerin zertteý ortalyǵynyń bas mamany
