تۇركىستان وبلىسى ارىس قالاسىنان پەتروپاۆل وبلىسىنا 25 جانۇيا كوشۋگە نيەت ءبىلدىرىپ وتىر، — دەپ حابارلايدى «كۇنگەي.kz» اقپارات اگەنتتىگى.
بۇل جايلى سقو اكىمىنىڭ ورىنباسارى اسقار ساقىپكەرەەۆ، تۇركىستان وبلىسىنان ارنايى كەلگەن باق وكىلدەرىنىڭ الدىندا مالىمدەدى.
«جىل بويى ءبىزدىڭ اۋدانداردان ادامدار 4-5 رەت وڭتۇستىكتەگى اۋداندارعا شىعىپ، ناسيحات جۇمىستارىن جۇرگىزدى. وبلىس اكىمى ءوزى بارىپ حابارلادى. سونىڭ ارقاسىندا 1ايدا 85 ادام حابارلاستى. ال، ارىستان 25 وتباسى كەلۋگە نيەت ءبىلدىرىپ وتىر» — دەدى اسقار جولامانۇلى.
سونىمەن قاتار، جۋرناليستەرمەن بىرگە سولتۇستىك وڭىرلەرگە بارعان قوعام بەلسەندىسى، پەداگوگ ءومىر شىنىبەكۇلى دا وزىنە ارىستان وننان استام وتباسى تەلەفون ارقىلى حابارلاسىپ، تەرىسكەيدەگى وبلىستارعا قالاي كوشۋگە بولاتىنىن سۇراپ قىزىعۋشىلىق تانىتىپ جاتقانىن جەتكىزدى.
ايتا كەتۋ قاجەت، تۇستىكتەن كەلگەن جۋرناليستەر مەن بلوگەرلەر تۇركىستان وبلىسى قوعامدىق دامۋ باسقارماسىنىڭ ۇيىمداستىرۋىمەن سولتۇستىك وبلىستاردى 4 كۇننەنبەرى ارالاپ ءجۇر. ونداعى ماقسات، سقو، قوستاناي، اقمولا وبلىستارىنا وڭتۇستىكتەن كوشىپ بارعان تۇرعىنداردىڭ تۇرمىسىمەن تانىسۋ، ناسيحاتتاۋ.
