Túrkistan oblysy Arys qalasynan Petropavl oblysyna 25 januıa kóshýge nıet bildirip otyr, — dep habarlaıdy «Kúngeı.kz» aqparat agenttigi.
Bul jaıly SQO ákiminiń orynbasary Asqar Saqypkereev, Túrkistan oblysynan arnaıy kelgen BAQ ókilderiniń aldynda málimdedi.
«Jyl boıy bizdiń aýdandardan adamdar 4-5 ret ońtústiktegi aýdandarǵa shyǵyp, nasıhat jumystaryn júrgizdi. Oblys ákimi ózi baryp habarlady. Sonyń arqasynda 1aıda 85 adam habarlasty. Al, Arystan 25 otbasy kelýge nıet bildirip otyr» — dedi Asqar Jolamanuly.
Sonymen qatar, jýrnalıstermen birge soltústik óńirlerge barǵan qoǵam belsendisi, pedagog Ómir Shynybekuly da ózine Arystan onnan astam otbasy telefon arqyly habarlasyp, teriskeıdegi oblystarǵa qalaı kóshýge bolatynyn surap qyzyǵýshylyq tanytyp jatqanyn jetkizdi.
Aıta ketý qajet, tústikten kelgen jýrnalıster men blogerler Túrkistan oblysy Qoǵamdyq damý basqarmasynyń uıymdastyrýymen soltústik oblystardy 4 kúnnenberi aralap júr. Ondaǵy maqsat, SQO, Qostanaı, Aqmola oblystaryna ońtústikten kóship barǵan turǵyndardyń turmysymen tanysý, nasıhattaý.
